Kmukum 15:19 - Udél Dwata: Gna Kesfasad ne Lomi Kesfasad

¹⁹ Duhen yó, tódô wen él hesut Dwata béléen gu bè yóm sotu ngà sbong bè yó bè Lihi. Ne omin Samsun yó minum ne mkó se yóm ksidek kleengen. Ne yó boluyen du yóm él yó, “Sfut Él yóm tau tmaba.” Ne ni kmoen ni sana tolo knóen bè yó bè Lihi yóm sfut yó.

Kmukum 15:19 Referans Kwoze

Isaya 44:3

Angat nmou él gu lem yóm benwu balù udì ke tehe wen élen. Ne wen él hlelu bè yóm tonok alì sidek kékéngen. Ne tódô suu bè yó kem ngà ye yóm dou Tulus ne tey któbóngu yó kem sfu ye.

Tekang Kbuten 45:27

Okóm timbow deng gotu tulón le du yóm kdê tulón Jusif kul ne deng tonen se yó kem klitun hwit Jusif mò gónón smakay ebè Idyip, yó he kehtahuhen du ne mulék hyu kegnómen du,

Kem Lingón 34:6

Gel le mni tóbóng béléen yó kem tau laen dù tmóbóng kul, ne bnalaen lu. Hewaen lu gu lem yóm kdê gónó le glayam.

Isaya 40:29

Gel ten-gelen yó kem lunog ne gel hekgisen yó kem miteg.

Isaya 40:26

Lengalai ebè longit dé. Tau du se mò kul yó kem blotik tonem? Yó mò kul, duhen yó sem gel mit kul hewà ke kifu yó kem tey blotik genged yó. Gotu tngónen ke hilu kwen le. Yóm ket kul na sotu, sket wen boluyen kul. Lemwót bè yóm alì kfasangen, balù sotu bélê le ke lana.

Kem Lingón 120:1

Bè yóm tehe kwen gfau, tmabahe ebè Dwata, ne bnalaen o.

1 Samwél 30:12

Bud blay le du sóól hunges yóm bungu fig ne lewu hunges bungu grép deng hendaw abay se deng tlu butengen laen dù ken ne él gtoben.

Kehewà 17:15

Ne wen botu sensodò Musis mò gónón demsù ne yó boluyen du, “Yóm sana kum Dwata hol gónó mogot fen hegmò kum.”

Tekang Kbuten 28:19

Yó boluyen du yóm benwu yó, Bétél. Yó tehe boluyen yóm benwu yó, Lus.

Tekang Kbuten 16:13

Bè yóm deng kulék yóm hógów Dwata tódô mudél tek sotu Hagar, monen, “Tey, deng tonu Dwata dou, kiholu là matay?” Ne yó boluyen du yóm Dwata mudél ebéléen yó, “Yóm Dwata hol mton dou.”

Lista 20:11

Omin Musis kmayang du eta yóm tuged hwa Dwata du yó koni ne lewu duléken mfes du bè yóm botu ne tódô sen-gengen se semfut gu lemen yóm tey él bong ne gotu le minum yó kem tau dalang se yó kem ógóf le.

Kmukum 15:9

Timbow kogolen bè yó, lemwót yó kem tau Flistin gotu le kmamfù bè Juda bè yóm kul benwu yó kem tau Israél na le e nundug yóm benwu Lihi.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Kem Lingón 110:7

Okóm kun, angat minum bè yó kem él lemnek mlel hilol lan anì mulék ebéléen kgisen. Angat gemmò.