Kmukum 15:16 - Udél Dwata: Gna Kesfasad ne Lomi Kesfasad

¹⁶ Omin Samsun mon du, “Tek olo kakim kudà asnu, botong lemibu ghatayu. Tek olo kakim kudà asnu, tey wen luduku bè tonok.”

Kmukum 15:16 Referans Kwoze

Kmukum 15:15

Ton Samsun yóm tiol kakim kudà asnu lomi matay masà bè yó. Ominen mulut du ne bogulen kul ne botong lemibu Flistin hnatayen.

Kmukum 15:17

Timbow deng kmonen du, ominen mbot yóm kakim kudà asnu nogoten. Lemwót bè yóm kdaw yó, yó hlós boluy le du yóm benwu yó, “Ngà Bulul Kakim.”

Kmukum 16:24

Tey kehligal le, mon le, “Yake htaba tekuy Samsun mò lelen senflowon tekuy.” Tahu se. Timbow hangay le Samsun gu lem gónô blanggù tey keseflowon le du, hyu hdà le bè gónón sóól yóm lewu hehek lembang yóm gónô bong gónó le stifun yó. Timbow ton yó kem tau Samsun tey kdóyón le yóm kul dwata kéng, mon le, “Deng hegmoen tu yóm kut dwata bè hohon tekuy. Hegmoen tu bè yóm tau hemsidek yóm benwu tekuy ne deng tey dê ne hnatayen bélê tekuy.”