Kmukum 15:15 - Udél Dwata: Gna Kesfasad ne Lomi Kesfasad

¹⁵ Ton Samsun yóm tiol kakim kudà asnu lomi matay masà bè yó. Ominen mulut du ne bogulen kul ne botong lemibu Flistin hnatayen.

Kmukum 15:15 Referans Kwoze

Juswa 23:10

Baluen ke tek sotu bélê ye, gbeken hlóy lemibu hohonen abay se eles mung bélê ye sfatay Dwata yóm sana kut Dwata hol gónó mogot, lómón yóm deng fasaden tekuy.

1 Samwél 14:14

Wen lewu folò tau hnatay le bè yóm tanay kundug le yó ne wen dô gbut ketiya gónón bulét yóm lówó yó kem tau matay.

1 Samwél 14:6

Yó udél Junatan ebè yóm tau mit klungen, monen mò du, “Géhéli, hnusek te kamfù yó kem Flistin là hemtahu bè Dwata yóó. Là tngónem du déke tnóbóngen tu Dwata. Ke tnóbóngen tu, laen kô dù hemseng du bè yóm kehegmoen kut baluen ke tek sónen tu.”

Kmukum 7:16

Yó nmò Gidyun, nólólen bè tlu bung yó kem tlu latu sendaluen ne sket benlayen lu féw ne kuleng tonok wen solok nô lemen.

Kmukum 4:21

Okóm tikóng deng gtungô Sisira lemwót bè yóm tey klitegen, yó nmò Jail ma bakbak ne nwahen yóm hteg toldahen, ominen hganag mógów ebè Sisira, tódô heseken bè langihen botong mahul ebè tonok ne matay.

Hibru 11:34

Ne laen dù hemen le bè yóm tehe kbot le kul elem yóm tey ofi. Ne bè yóm tehe tô ktibó le kul, là gehlósen. Tau laen dù kgis le, okóm botong le baling kemgis. Wen se bélê le alì hulung sfatay bè gida, botong laen dù gmò yó kem hohon le lemwót bè dumu benwu.

Kmukum 15:16

Omin Samsun mon du, “Tek olo kakim kudà asnu, botong lemibu ghatayu. Tek olo kakim kudà asnu, tey wen luduku bè tonok.”

Kmukum 15:17

Timbow deng kmonen du, ominen mbot yóm kakim kudà asnu nogoten. Lemwót bè yóm kdaw yó, yó hlós boluy le du yóm benwu yó, “Ngà Bulul Kakim.”

2 Samwél 23:8

Ni se boluy yó kem sendalù Dabid alì hulung sfatay. Tanayen, Juséb-basébét tau lemwót bè Takimun. Du geta bè yóm tlu kem sendalù Dabid alì hulung sfatay. Botong wolu latu tau ndeken buyus bè sotu kesgida le.