Kmukum 15:14 - Udél Dwata: Gna Kesfasad ne Lomi Kesfasad

¹⁴ Timbow kól bè Lihi Samsun, tódô henmung senlong yó kem sendalù Flistin, ya tey kehsag le. Ominen tódô sut bè Samsun yóm Tulus Dwata, tey kehekgisen du. Tódô kem kdà odoy Samsun semdihot du yóm tébéd fét le bè sigelen ne bè henmuen, lómón kegnómen du lómón ke olo balu kdungon deng mlób, tódô gotu hto.

Kmukum 15:14 Referans Kwoze

Kmukum 14:19

Ne tódô sut bè Samsun yóm Tulus Dwata tey kehekgisen du. Ominen lemwót mosol etu bè yóm sotu benwu Flistin boluyen Askilun nan e hmatay tlu folò kem logi bè yó ne gotu nwahen nes le ne blayen bè yó kem tau malà yóm ngeden. Kogolen bè yó tódô mulék mneged ebè le maen, ya tey sidek kebuten.

Kem Lingón 118:11

Tódô gotu snibut le ou, okóm gotu genlau lu mlan bè kfasang Dwata.

1 Samwél 17:35

sal gel ktesu, ominu mogul du ne bud nwahu gu lem baken yóm ubihahu. Ke tô nékéten ou tódô kenfóu bè blugalen, ngangu mogul du efet matay.

1 Samwél 11:6

Timbow gungol Sol yóm tulón le, tódô sut béléen yóm Tulus Dwata ne ya tey sidek kebuten.

Kmukum 14:6

Uni Samsun mton du, tódô hekgis Dwata ne senfék Samsun kakim yóm liyun yó. Tek són tdoken moen du, lómó kegnómen du lómón ke olon ngà kambing. Okóm là kô dog tulónen du yó kem tuhahen yóm nmoen yó.

Flipay 4:3

Ne uu snéen, Wè, yóm tau là monol nawahen tmóbóng dou, yake uu hol tmóbóng kul anì géhél le sefyu. Tey tehe khotu le nawa le tmóbóng do ekni bè yóm kehbólu yóm Tulón Hyu. Tehe le gel mung ke Klémén ne yó kem dumu gel tmóbóng dou. Yóm kul boluy deng gotu nô bè yóm bok Dwata, duhen yóm bok lowil.

Sikaraya 4:6

Ominen mon du mò dou, “Ni se udél Dwata ebè Sirubabél. Yóm nmoem là lemwóten bè kegbek tau duhen ke bè kgis tau, okóm lemwót bè dou Tulus, udél yóm Dwata laen dù là gbeken du.

Mika 7:8

Laen kô dù lan le kmuli do yó kem dou hohon. Denge tlokob, okóm angate bud mdà. Balù yóm deng knóu lem gónón kmifu, okóm Dwata se hlayag do.

Kem Lingón 18:34

Toloken ou bè gida anì gbeku bemtul yóm boho nmò le bè tembaga.

1 Samwél 4:5

Timbow kól bè kamfù yóm Slungan Fasad nwit le yó, ya tey kehsag yó kem tau Israél lemwót bè yóm tey kligal le, botong megsinsig tonok.

Kmukum 16:24

Tey kehligal le, mon le, “Yake htaba tekuy Samsun mò lelen senflowon tekuy.” Tahu se. Timbow hangay le Samsun gu lem gónô blanggù tey keseflowon le du, hyu hdà le bè gónón sóól yóm lewu hehek lembang yóm gónô bong gónó le stifun yó. Timbow ton yó kem tau Samsun tey kdóyón le yóm kul dwata kéng, mon le, “Deng hegmoen tu yóm kut dwata bè hohon tekuy. Hegmoen tu bè yóm tau hemsidek yóm benwu tekuy ne deng tey dê ne hnatayen bélê tekuy.”

Kmukum 16:12

Tahu se, wen fét hanà lomi nwa Dilayla ne féten ke Samsun. Ominen lemangat, monen, “Ó Samsun, btiki. Ni kem Flistin deng le kól bè ni.” Uma kóm deng eles wen kem Flistin hebnos bè dumu dfél. Okóm tódô hento Samsun yóm féten yó, hol lómón ke sbalu tnikel kegnómen du.

Kmukum 16:9

Bede deng eles wen yó kem tau Flistin deng bnos Dilayla bè yóm sotu dfél bè gónóen. Timbow deng kféten du, ominen lemangat, monen, “Ó Samsun, btiki. Ni kem Flistin deng le kól bè ni.” Tahu se, hboluk btik Samsun ne tódô gotu hto yóm hitu dolol fét boho hanà lomi, hol lómón ke hentohem ofi yóm balu tnikel. Ne là kô tngón le du gónón gu lemwót yóm kgis Samsun yó.

Kmukum 5:30

‘Déke tolo sensólól le yó kem kimu negef le. Ket sendalù sotu duhen ke lewu libun mò kun. Wen kem nes alì tilob kun nwa Sisira ne wen yóm nes nsif tilob beteken mò dou.’

Kehewà 14:5

Timbow tulón le ke Faro yóm deng gotu kehewà yó kem tau Israél, bud megetles kehedemen dalang se yó kem genlalen, yó mon le, “Tedum deng nmò kuy ni du? Mom hewót tekuy lu yó kem tau Israél ne ni laen dù bud hesek tekuy.”

Kehewà 14:3

Yó gónóhu hlolò du kuy nim ni anì hendem Faro, tolo ye tabag bè yóm benwu yó ne là kô ye gehlós abay se tofus ye bè yóm benwu laen hol wen tauhen.

Kmukum 15:13

Mon le se, “Là hnatay me kóm, olo me mfét kóm omin me bemlay kóm ebélê le.” Tahu se, nfét le Samsun, fét le du yóm lewu tébéd hanà lomi ne nwit le gu bè yóm kilib gónón nô yó.

Kmukum 15:9

Timbow kogolen bè yó, lemwót yó kem tau Flistin gotu le kmamfù bè Juda bè yóm kul benwu yó kem tau Israél na le e nundug yóm benwu Lihi.

1 Samwél 10:6

Bè yóm uras yó, tódô sut béléem yóm Tulus Dwata ne tey kehfasangen kóm ne wen htugod Dwata kóm ebélê le. Tódô tenlesen yóm kmò ktauhem.

1 Samwél 10:10

Timbow le kól bè Gibya le Sol lewu le yóm tau tóbóng lówóhen, wen kem lumbuk tugod Dwata semlong kul. Tódô sut bè Sol yóm Tulus Dwata ne nbuten se kun tmugod ke Dwata.