Kmukum 15:12 - Udél Dwata: Gna Kesfasad ne Lomi Kesfasad

¹² Bud mon le mò du, “Là óyô me du nim mógów ni na me e nfét uu, omin me meted kóm ebélê le.” Mon Samsun se mò kul, “Eles fasad ye do bê ye hnatay o.”

Kmukum 15:12 Referans Kwoze

Kul Nmò 7:25

(Ofo kun mon du ke tódô deng dilô yó kem kun dumu tau Israél yóm khógów Dwata du mò lemwà kul, okóm là kô dilô le du.)

Matyu 27:2

Omin le hmengked mfét du kdina, ne nwit le ebè Paylét, yóm tau lemwót bè Rom gubérnor bélê le.

1 Bok Kem Tau Hol Geta 2:34

Tahu se, bud mógów ebè yóm Gónô Dwata gel nit mógów Binaya, ne hnatayen Juab ne lebeng le bè benwuhen bè yóm benwu laen hol wen tauhen.

1 Bok Kem Tau Hol Geta 2:25

Tahu se, dók Selumun Binaya ngà Jihuyada, anì hnatayen Adunadya. Tahu se, hnatayen.

Kmukum 8:21

Yó udél Siba ne Salmuna ebè Gidyun, mon le, “Uu ne hmatay kum. Là hyuhen ke hmoem ngà yóm kun nmò yóm tau bong.” Tahu se, hnatay Gidyun lu ne gotu nwahen yó kem klóón mebtes lieg kamél le.

Kmukum 15:11

Duhen yó, botong tlu libu kwen le yó kem tau lemwót bè Juda mógów ebè Samsun ditu bè léhék Itam ne mon le mò du, “Ilóem là tngónem du kô yóm knô tekuy lem hólól yó kem Flistin? Tedum nmoem bélê me ni du?” Mon Samsun se, “Nmou bélê le yóm deng nmò le béléu.”

Kmukum 15:13

Mon le se, “Là hnatay me kóm, olo me mfét kóm omin me bemlay kóm ebélê le.” Tahu se, nfét le Samsun, fét le du yóm lewu tébéd hanà lomi ne nwit le gu bè yóm kilib gónón nô yó.