Kmukum 15:11 - Udél Dwata: Gna Kesfasad ne Lomi Kesfasad

¹¹ Duhen yó, botong tlu libu kwen le yó kem tau lemwót bè Juda mógów ebè Samsun ditu bè léhék Itam ne mon le mò du, “Ilóem là tngónem du kô yóm knô tekuy lem hólól yó kem Flistin? Tedum nmoem bélê me ni du?” Mon Samsun se, “Nmou bélê le yóm deng nmò le béléu.”

Kmukum 15:11 Referans Kwoze

Kmukum 14:4

Là kô tngón kem tuha Samsun du ke lemwót bè Dwata yóm nmò Samsun yó mò lan Dwata sembeweg yó kem tau Flistin. Bè yóm kdaw yó, tolo le gnô lem tdok kem Flistin he yó kem tau Israél.

Kmukum 13:1

Timbow bud nmò yó kem tau Israél yóm kenbê Dwata bélê le yóm sana Dwata hol kul gónó mogot, yó gónóhen hemlus kul elem hólól yó kem tau Flistin ne botong fat folò halay le kegen le nô lem hólól le.

Dwata 28:13

Yó nmò yóm sana kuy Dwata hol gónó mogot, là kô nmoen kuy tau mò halak bè dumu tau. Okóm yu yóm fen malak kul. Ke hteneb ye lemolò du yóm kdê hlau Dwata kuy deng tulónu kuy kemdaw ni tendo hyu kógów klowil ye ne laen kô gónón là deng ke wen nmò ye.

Dwata 28:43

Angat wen kem tólóng tau menwu lem blóng ye, sónmoen temnù yóm kfasang le mogot kuy, okóm yóm kuy kfasang sónmoen se minut lana.

Kmukum 15:10

Ne snólók le lu yó kem tau bè Juda, mon le, “Moen ke nundug ye mi?” Mon le se, “Nim nógów me ni na me e kenfô Samsun. Bud hulék me ebéléen yóm sidek nmoen bélê me.”

Kmukum 15:12

Bud mon le mò du, “Là óyô me du nim mógów ni na me e nfét uu, omin me meted kóm ebélê le.” Mon Samsun se mò kul, “Eles fasad ye do bê ye hnatay o.”