Kmukum 14:5 - Udél Dwata: Gna Kesfasad ne Lomi Kesfasad

⁵ Kewót le Samsun ne yó kem tuhahen mosol le ebè Timna. Bè yóm igò le moni bè yóm gónó le gel mulu grép yó kem tau bè Timna, gungol Samsun yóm tey ngel liyun tô demlu du.

Kmukum 14:5 Referans Kwoze

Kmukum 14:4

Là kô tngón kem tuha Samsun du ke lemwót bè Dwata yóm nmò Samsun yó mò lan Dwata sembeweg yó kem tau Flistin. Bè yóm kdaw yó, tolo le gnô lem tdok kem Flistin he yó kem tau Israél.

Kmukum 14:6

Uni Samsun mton du, tódô hekgis Dwata ne senfék Samsun kakim yóm liyun yó. Tek són tdoken moen du, lómó kegnómen du lómón ke olon ngà kambing. Okóm là kô dog tulónen du yó kem tuhahen yóm nmoen yó.

1 Samwél 17:35

sal gel ktesu, ominu mogul du ne bud nwahu gu lem baken yóm ubihahu. Ke tô nékéten ou tódô kenfóu bè blugalen, ngangu mogul du efet matay.

2 Samwél 23:20

Sotuhen, duhen Binaya ngà Jihuyada, yóm sendalù hulung sfatay lemwót bè Kabsil. Tey wen se kun hnatay, botong hnatayen yóm lewu sendalù Muab alì hulung sfatay bè kdê sendalù le. Sotu kdaw, botong ktesen yóm sotu liyun elem sol bè yóm kdawen kmulón snu. Balù yóm tey kedel tonok botong hnatayen yóm liyun yó.

1 Tutul Israél 11:22

Sotuhen, duhen Binaya ngà Jihuyada yóm sendalù hulung sfatay lemwót bè Kabsil. Tey wen se kun gendeng bè yóm kesgida le. Botong hnatayen yóm lewu sendalù Muab alì hulung sfatay bè kdê sendalù le. Sotu kdaw, botong ktesen yóm sotu liyun elem sol bè yóm kdawen kmulón snu. Balù yóm tey kledel yóm tonok, botong ghatayen yóm liyun yó.

Kem Lingón 91:13

Angat gotu ndaem lu elaan yó kem liyun ne yó kem ulal, balù nô klóbô yó kem liyun, ne balù nô kalas yó kem ulal.

Jirimaya 2:15

Hol lómó kmò le ebélê le yó kem hohon le yó hol lómón ke mngel yó kem liyun. Yóm kul benwu yó kem tau Israél, deng mom nmò yó kem hohon le benwu là hyu menwu du. Deng tódô gbà yó kem syudad tehe gónó le nô, ne deng hol tahu gbayà.

Hibru 11:33

Ni kem tehe tau gnan ni ekni, lemwót bè yóm kehtahu le bè Dwata, yó gónó le gel matù bè yóm gel kesgida le. Tódô nmò le yóm tedeng, ne yó gónó le gmuta du yóm fasad Dwata kul. Lemwót bè kehtahu le, là kô gebngat le du kakim le yó kem liyun tô msék kul.

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.