Kmukum 14:19 - Udél Dwata: Gna Kesfasad ne Lomi Kesfasad

¹⁹ Ne tódô sut bè Samsun yóm Tulus Dwata tey kehekgisen du. Ominen lemwót mosol etu bè yóm sotu benwu Flistin boluyen Askilun nan e hmatay tlu folò kem logi bè yó ne gotu nwahen nes le ne blayen bè yó kem tau malà yóm ngeden. Kogolen bè yó tódô mulék mneged ebè le maen, ya tey sidek kebuten.

Kmukum 14:19 Referans Kwoze

1 Samwél 11:6

Timbow gungol Sol yóm tulón le, tódô sut béléen yóm Tulus Dwata ne ya tey sidek kebuten.

Kmukum 13:25

Ne nbut yóm Tulus Dwata hekgis du bè yóm igoen nô bè Kamfù Dan bè blóng le benwu Sura yóm benwu Istaol.

Kmukum 15:14

Timbow kól bè Lihi Samsun, tódô henmung senlong yó kem sendalù Flistin, ya tey kehsag le. Ominen tódô sut bè Samsun yóm Tulus Dwata, tey kehekgisen du. Tódô kem kdà odoy Samsun semdihot du yóm tébéd fét le bè sigelen ne bè henmuen, lómón kegnómen du lómón ke olo balu kdungon deng mlób, tódô gotu hto.

Kmukum 14:6

Uni Samsun mton du, tódô hekgis Dwata ne senfék Samsun kakim yóm liyun yó. Tek són tdoken moen du, lómó kegnómen du lómón ke olon ngà kambing. Okóm là kô dog tulónen du yó kem tuhahen yóm nmoen yó.

Kmukum 14:18

Ne bè yóm ghituhen kdaw gu laanen là deng sdef kdaw, sut le bè Samsun yó kem logi bè yóm syudad yó, mon le mò du, “Tedu se mi senta tneb? Tedu se kemgis senta liyun?” Bnalà Samsun lu, monen, “Ke là deng hdadu ye du yóm dou ngà safì libun, là kô tngón ye du lanen yóm ngedu.”

1 Samwél 6:4

Snólók le, “Basa mò bayad salà du de yóm hwit tekuy ebéléen?” Mon le se, “Lemwót bè yóm ksuten lem blóng ye ne lem blóng yóm limu kem tau hol geta ye yóm des mit hatay, yó kmò ye du hemwit ye limu botù lennged tahu blówón lómón kmoen des tumor ne limu botù tahu blówón lómón kmoen kem ungé deng hmayam yóm benwu ye.

1 Samwél 6:17

Yóm limu kem tumor nmò le bè tahu blówón hwit yó kem Flistin mò bayad salà le bè Dwata, sotu lemwót bè syudad Asdod ne sotu lemwót bè syudad Gasa ne bè syudad Askilun ne bè syudad Gat ne bè syudad Ikrun.