Kmukum 14:18 - Udél Dwata: Gna Kesfasad ne Lomi Kesfasad

¹⁸ Ne bè yóm ghituhen kdaw gu laanen là deng sdef kdaw, sut le bè Samsun yó kem logi bè yóm syudad yó, mon le mò du, “Tedu se mi senta tneb? Tedu se kemgis senta liyun?” Bnalà Samsun lu, monen, “Ke là deng hdadu ye du yóm dou ngà safì libun, là kô tngón ye du lanen yóm ngedu.”

Kmukum 14:18 Referans Kwoze

Kmukum 14:17

Tódô ket kdaw yehen Samsun mkik béléen lem yóm hitu kdaw le mò ken. Timbow kól bè ghituhen kdaw, tódô tulón Samsun du lan yóm ngeden abay se tódô senflós yehenen mubug smólók du. Omin yehenen gotu bud tmulón du bè yó kem Flistin.

Kmukum 14:19

Ne tódô sut bè Samsun yóm Tulus Dwata tey kehekgisen du. Ominen lemwót mosol etu bè yóm sotu benwu Flistin boluyen Askilun nan e hmatay tlu folò kem logi bè yó ne gotu nwahen nes le ne blayen bè yó kem tau malà yóm ngeden. Kogolen bè yó tódô mulék mneged ebè le maen, ya tey sidek kebuten.

2 Samwél 1:23

Yóm Sol lewu le Junatan, kem tau alì knóón, tey dê kembong nawa kul. Slomong le mowil, ne slomong le matay. Ke sfatay le, tey le metlasik senta yó kem banug, ne tey le kemgis senta yó kem liyun.

Kem Udél Hlalak Tehe Selumun 30:30

Duhen ni kem ni: yóm alì kemgis bè kdéen ógóf, yóm mon le liyun ne laen se kô mtukul knikoen.

Kem Lingón 81:16

Okóm kuy, hkenu kuy yóm ken ali hyu. Hebsowu yu bè yóm tneb lemwót lem sol botu.”

Isikél 1:10

Yóm ket kul na sotu yó kem mowil yó wen fat kay uyó le. Ke smolu le uyó tau, bè kwanan le uyó liyun ne bè iwóng le uyó safì tudu ne ke kmogol le uyó banug.