Kmukum 14:15 - Udél Dwata: Gna Kesfasad ne Lomi Kesfasad

¹⁵ Bè yóm gfaten kdaw, yó nmò le sentulón le yehen Samsun, mon le, “Hol hninggelem semtulón ke tuha logihem anì tulónen kóm lan tum ngeden. Ke là, angat ntem me gónô maem ne gomongi mlób se kóm. Mone yó kô gónó ye tminok kum lewu ye maem anì mulék me élél? Yó kô atul ye?”

Kmukum 14:15 Referans Kwoze

Kmukum 16:5

Yó nmò yó kem tau malak bè yó kem Flistin mógów le ebè Dilayla, mon le mò du, “Snukatem Samsun anì tulónen kóm yóm gónón lemwót kgisen ne ke tedu nmò me anì gemmò me béléen, anì gfét me ne anì laen dù bud gmoen. Ke tulónem kum, sket benlay me u lemibu bud lematu botù blówón bukay.”

Kmukum 15:6

Snólók kem Flistin, mon le, “Tau du se mò du nim ni?” Bnalà le se, mon le, “Samsun, lan tuónen yóm tau lemwót bè Timna, bud hyehen du bè yóm hol dumun swè yóm yehenen.” Yóm kungol le du yóm yó, tódô lemwót yó kem Flistin nwa le yehen Samsun mung du maen, dnutung le lu.

Kem Udél Hlalak Tehe Selumun 6:26

Yakà gbek tau smukéy du udì filak yóm libun hdóyón, okóm bè yóm ksamuken yóm tuha libun dumu tau gomong he yóm kun klowil.

Kem Udél Hlalak Tehe Selumun 5:3

Yakà wen libun mdà yehen gel gemé lemnek ne alì hulung mudél gónón gbóy tau.

Kem Udél Hlalak Tehe Selumun 1:11

Hlingón te du, ke wen mon du mò kóm, “Mungi kum dé, na tekuy e hékét anì wen hnatay tekuy, balù yó kem tau laen dù duón kul.

Kmukum 14:14

Mon Samsun, “Bè yóm gel mken gónóhen gu yóm mò ken. Lemwót bè yóm kemgis yóm mi.” Botong tlu kdaw le tô mebel du lanen, okóm là kô tngón le du.