Kmukum 13:24 - Udél Dwata: Gna Kesfasad ne Lomi Kesfasad

²⁴ Bè yóm ksut blutut yehen Manu, logi yóm ngaen, yó boluy le du Samsun. Tey kuyag Dwata du yóm ngà yó ne tey tilob kenoken.

Kmukum 13:24 Referans Kwoze

Kun Snulat Luk 1:80

Yóm ngà le Sekariya yó, sónmoen minut lemnok, ne mtétél se yóm kehtahuhen. Timbow deng bong logi, tódô tólóng sónen du bè yóm benwu laen dù tauhen. Song hegfan bè gónón wadag tau, deng kól bè yóm kdawen tmolok lem blóng yó kem dumuhen tau Israél.

1 Samwél 3:19

Yóm igò Samwél lemnok, tódô seflós Dwata nô béléen ne laen dù bè yó kem gel tulónen lemwót bè Dwata ke là dohoen.

Hibru 11:32

Dô nan són ni he yóm tulónu kuy. Là getngónu tmulón du kuy yó kem dumu tau hemtahu bè Dwata ekni. Lómón le tehe Gidyun ne Barak ne Samsun ne Jifta ne Dabid ne Samwél kkólen bè yó kem tehe tugod Dwata ekni.

Kun Snulat Luk 2:52

Ngangen ne lemnok Jisas, ne tendo temnù se yóm ketngónen. Ne tendo hyu nawa Dwata ebéléen, dalang se yó kem tau.

1 Samwél 2:21

Tahu se, tey któbóng Dwata ke Hana bud wen ngà blayen du, tlu logi ne lewu libun. Okóm ke Samwél, tódô lenoken bè solu Dwata.

1 Samwél 2:26

Okóm ke Samwél kun, sónmoen minut lemnok. Ne lemwót bè yóm hyu gel nmoen tey hyu nawa Dwata ebéléen dalang se yó kem dumu tau.