Kmukum 13:20 - Udél Dwata: Gna Kesfasad ne Lomi Kesfasad

^20-21 Yóm igoen dmilóf eta yóm ofi lemwót bè yóm gónô Manu demsù, tódô ton le Manu ne yehenen yóm hógów Dwata yó koni haway etta bè longit, mung bè dilóf ofi efet tódô lana lem mata le. Timbow tngón le hógów Dwata gu bè longit yóm tau yó koni, tódô le hegluduk bè tonok lewu le yehenen. Ne là bud ton le du ne yóm hógów Dwata yó.

Kmukum 13:20 Referans Kwoze

1 Tutul Israél 21:16

Temngel eta Dabid, ne tonen yóm hógów Dwata gu bè longit tódô mdà bè gónón sóól tonok ne longit. Wen sudeng ayayen eta Jirusalim. Yó nmò Dabid ne yó kem dumu tau gel malak yó kem tau Israél, lemsek le nes sakù mò gónó le hegfan yóm deng kebà nawa le, omin le lemfen bè tonok.

2 Bok Kem Tau Hol Geta 2:11

Bè yóm igò le stulón mógów, tódô sut lem blóng le yóm klitun tók hono ofi dyol yó kem kudà hono ofi kmò le. Tódô senkóhen lu yóm lewu le, ne tódô mung bè klifus bong Ilaydya mbatun etta ebè longit.

Isikél 1:28

Yóm gu hilolen lómón ke wen léwés mnóng du, hol lómón yóm léwés gel gfan gu lem lobun ke kmulón. Yó se kmoen yóm klóón Dwata hono sminang deng hegfan béléu. Bè yóm ktonu du, botonge gefen bè tonok ne ominu mungol yóm mudél ebéléu.

Matyu 17:6

Bè yóm kungol le yóm udél yó, tódô le gotu hegluduk lemfen bè tonok yó kem tau mung ke Jisas, ya tey sidek klikò le.

Hibru 1:3

Yóm kun kegeta Dwata, deng hol tódô tahu gfan bè yóm Ngaen yó. Yóm kun kmò Dwata, yó se kun kmò yóm Ngaen. Du fen mkem du yóm kdê nmoen hlanen bè yóm udélen alì mfasang. Timbow kogol yóm tehe kkóhen salà kdéen tau, tódô mulék ebè longit, ne myón fi bè kwanan yóm Dwata alì mfasang bè kdéen.

1 Tutul Israél 21:26

Hdà Dabid bè yó yóm gónó demsù ebè Dwata, ominen demsù yóm dsù hkekeb ne yóm dsù mit sefyu ebè Dwata. Ominen mni bè Dwata, ne bnalà Dwata yóm hnihen hlanen bè yóm tey ofi hwiten gu bè longit mò hmekeb yóm dsù eles nô ta yóm gónó demsù.

Tekang Kbuten 17:3

Tódô hegdufok ebè tonok Abram.

Danyél 10:9

Ominu mungol du mudél. Yóm khungolu yóm udélen, botong là bude temngón tódóe glokob bè tonok.

Isikél 1:26

Fi ta yóm ketef sminang bukay yó wen tonu lómón ke bangkù gónó myón kmamal nô du, nmò le lemwót bè yóm botu ginggung alì sminang. Ne wen tonu lómón tô tau myón tahen.

Kem Lingón 47:5

Bè yóm kotun Dwata ebè yóm gónón myón kmamal, tey hensag tau lemwót bè kligal le, mung du yó kem tey uni féw.

Kmukum 6:19

Tahu se, kendel mulék ebè gónóen Gidyun, ominen tmétê sotu ngà kambing ne wen dô sfolò kilu arina nmoen mambang, yóm mambang laen dù bulung henoken. Lemwót yóm utón tnógóhen suen lem abì ne fen suen lem kuleng yóm sóbówen. Ominen mit du ebè yóm hógów Dwata myón laan koyu ok.

Kmukum 6:21

Omin yóm hógów Dwata mdù du bè yóm utón yó ne yóm mambang yóm tukô tugeden. Tódô sen-gengen se yóm tey dilóf ofi hesut gu lem yóm botu yó, gotu mkekeb yóm utón ne yóm mambang. Ne sen-gengen se tódô lana yóm hógów Dwata yó koni.

1 Tutul Israél 21:21

Tikóng ton Arauna yóm tau hol geta gu ditu, tódô tebelen yóm gónón kmusu, ominen semlong du, ne tódô tuden uyóhen bè tonok bè solu Dabid.