Kem Lingón 99:9 - Udél Dwata: Gna Kesfasad ne Lomi Kesfasad

⁹ Hol dóyón tekuy yóm sana kut Dwata hol gónô mogot, ne tmaba tekuy ebéléen bè yóm kun bulul bè Jirusalim, abay se laen kô dù belenen yóm sana kut Dwata hol gónô mogot.

Kem Lingón 99:9 Referans Kwoze

Kun Snulat Luk 1:49

lemwót bè yóm tey deng nmò Dwata béléu, yóm Dwata alì mfasang bè kdéen. Laen kô dù belenen sidek yóm kun gel nmò.

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Deng Hegfan 4:8

Sket kul na nem hafak le. Tódô henok lówó le hono mata, balù laan hafak le. Tódô seflós kdaw ne kifu yóm tendo kesngal le. Yó utóm sngal le, monen, “Laen kô dù belenen yóm Dwata, bà udì. Du se hol gónó mogot bè klamangen, yóm laen dù là gbeken du. Bud du se yóm sana Dwata tenbut bè kbuten efet nim kmoen ni, ne du se yóm móyónen bud sut.”

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

1 Samwél 2:2

Laen dù semnged du yóm kun kólós Dwata. Laen dù dumu Dwata, són uu. Laen dù dumu gónó heklung mkél bè yóm kut Dwata.

Hbakuk 1:12

Ó Dwata, yóm hol dou gónó mogot yóm laen dù belenen, uu se yóm sana Dwata laen dù buten ne laen dù sónen, là kói na a matay se kóm. Yó kem tau Babilun yó, yó kô oluhem kul lu gemlà kum? Là. Là kô gbekem du yó, abay se uu yóm Dwata gel mofin kum. Okóm yó nmoem deng nélékem lu mò tmafak kum ne mò hemtedeng kum.

Isaya 6:3

Yó nmò le gel le staba, mon le, “Hol tahu laen kô dù belenen yóm Dwata yóm Dwata laen dù là gbeken du yóm hol gónó mogot. Hol tahu laen kô dù belenen bà udì. Tódô lenngeben klamangen benwu yóm alì kegetahen.”

Kem Lingón 99:5

Hol dóyón tekuy Dwata yóm sana kut Dwata hol gónô mogot. Heglaan tekuy bè soluhen, abay se laen dù belenen.

Kem Lingón 99:3

Hol dóyón le yóm tey kegetahen ne tey kehtaw le du yóm kóm boluy. Laen dù belenen yóm kóm boluy.

Deng Hegfan 3:7

“Budi smulat do ebè yóm fen gel malak yó kem tau hemtahu bè Filadélfya, monem mò du, ni se udélen ebélê ye yóm laen dù belenen yóm kun kmò, yóm hono tahu yóm gel tulónen. Du se tles mogot du yóm kunsì tehe nogot yóm tehe fuen Dabid. Ke wen lenungkaen, là kô wen gembek bud tmikeb du. Ne ke wen tnikeben, là kô wen gembek bud lemungkà du.”

Kem Lingón 132:7

Lemwót tekuy ne, mógów tekuy ebè yóm gónó Dwata nô. Tmaba tekuy ebéléen bè yó.