Kem Lingón 99:8 - Udél Dwata: Gna Kesfasad ne Lomi Kesfasad

⁸ Ó Dwata yóm sana hol kum gónô mogot, deng bnalaem lu. Uu se yóm Dwata gel hmifót salà, okóm sal gel tnafakem yóm sidek nmò le.

Kem Lingón 99:8 Referans Kwoze

Lista 20:12

Okóm nudél Dwata Musis lewu le Aron, monen, “Lemwót bè yóm là hol ksalig ye do ne yóm là kehdilô ye du lem blóng yó kem tau Israél yóm klaen dù belenu, là kô galak ye kul ni kem tau ni etu bè yóm benwu fasadu kul.”

Kem Lingón 89:33

Okóm ke Dabid, là kô naw e tenflok du yóm kbong nawahu du, ne là kô klifótu du yóm deng fasadu du.

Sulat Pol Ebè Yó Kem Tau Hemtahu Bè Rom 1:21

Deng tngón le se yóm kwen Dwata, okóm là nadat le du ne là kô dog dóyón le du bè yóm gel któbóngen kul. Yó bunguhen yóm nmò le yó, tódô kmifu lem hendem le laen kô dù nefeten.

Sifanaya 3:7

Yó hendemu, ‘Déke deng wen klikò le do ne ni yó kem dou tau, bè yóm kton le du nim deng nmou ni. Déke deng henmóyô le ne yóm gónów semtódô kul anì là dnohou du yóm ktafaku kul.’ Okóm là, deng mom lenwê le mò du yóm sidek.”

Lista 20:24

“Là kóen gefet edu kun ke Aron yóm benwu deng tehe fasadu yó kem tau Israél. Bang kukol towoken ne kun abay se yóm lewu ye, là kô dog nmò ye du yóm hlolou kuy bè yóm knô ye bè Miriba.

Kehewà 32:2

Mon Aron se mò kul, monen, “Lenkas ye yó kem blówón tdé yehen ye ne kem ngà ye logi ne kem ngà ye libun ne nwit ye edini béléu.”

Kehewà 34:7

Là kô kóhu du yóm kbong nawahu tau efet kól bè yó kem hilu bud lugod le. Yó kmò kehegfanu du bélê le yóm nawahu yó, gel hnifótu yó kem sidek gel nmò le ne yóm là kimón le do. Okóm yóm tau ke là kóhen du yó kem sidek gel nmoen là gbeku du ke là tnafaku du, gomong megtafak yó kem ngà le ne témê le lenwóten bè tanay lugod le efet kól bè gfat lugod le.”

2 Samwél 12:14

Okóm lemwót bè yóm là kimónem ke Dwata, angat matay yóm ngaem.”

Kem Lingón 78:38

Okóm balù yó he, tey kkodu Dwata kul, hnifóten salà le, ne là kô genlaen kul. Tey dê duléken ne mafas du yóm kebuten kul, là hesuten du yóm alì sidek kebuten kul.