Kem Lingón 99:6 - Udél Dwata: Gna Kesfasad ne Lomi Kesfasad

⁶ Lewu le Musis Aron yó kem tau gel blóng ebéléen. Samwél snéen sotu gel tmaba ebéléen. Tey kni le tóbóng bè Dwata, ne bnalà Dwata se yóm hni le.

Kem Lingón 99:6 Referans Kwoze

Jirimaya 15:1

Omin Dwata bud mudél ebè Jirimaya, monen, “Baluen he ke mdà bè ni Musis lewu le Samwél tô na a hkodu béléu bè ni kem tau bè Juda ni, là kô naw e knodu kul. Lohem lu mayuk. Hdóhem lu bè soluhu.

Kehewà 15:25

Tódô hotu Musis nawahen mni bè Dwata. Kogol yóm knihen, wen ngà koyu hton Dwata du, htudaen du elem yóm él ne baling hyu minum du yóm él yó. Bè yóm benwu Mara yó, wen hlolò Dwata kul yó kem tau Israél mò gónón tmilów kul.

Kehewà 14:15

Yó bud mon Dwata mò ke Musis, “Moen du ke alì ye tmaba ebéléu? Monem mò kul yó kem tau Israél tódô henlós le yóm kógów le.

Kehewà 32:30

Hayahen bè yó, yó mon Musis bè yó kem tau, “Tey gedlug ksideken yóm salà nmò ye. Okóm ni naw bud mneged eta bulul bè Dwata, nénég ke wen lanu hkodu bè Dwata anì hnifóten yu bè yóm tey salà ye ni.”

Kehewà 17:4

Tódô kem hotu Musis nawahen mni bè Dwata, yó monen, “Ó DWATA, tedum tô nmou bélê le du ni kem tau ni? Móyón sentudà le ou botu mò hatay le dou.”