Kem Lingón 99:5 - Udél Dwata: Gna Kesfasad ne Lomi Kesfasad

⁵ Hol dóyón tekuy Dwata yóm sana kut Dwata hol gónô mogot. Heglaan tekuy bè soluhen, abay se laen dù belenen.

Kem Lingón 99:5 Referans Kwoze

Kem Lingón 132:7

Lemwót tekuy ne, mógów tekuy ebè yóm gónó Dwata nô. Tmaba tekuy ebéléen bè yó.

Isaya 66:1

Yó udél Dwata, monen, “Longit se gónóhu myón kmamal yóm klamangen ne yóm tonok olo gónóhu hmótól tihu. Duhen yó, kbongen de yóm gónô tô hdà ye béléu? Kbongen de yóm gónô gónóhu tô nô lem blóng ye?

Kem Lingón 108:5

Holi hegeta, Dwata, senta kegeta yó kem longit hol geta. Hegfanem bè klamangen tonok yóm tey keslinangem.

Kem Lingón 34:3

Gbót ye béléu tmulón du yóm tey kegeta Dwata. Hol dóyón tekuy dé boluyen.

Kehewà 15:2

Dwata yóm hol kemgis mofin dou. Du se yóm deng lemwà do. Du se yóm dou Dwata tendo dóyón. Du se Dwata yóm dou mà ne hmungu bè lingónu yóm tey kegetahen.

Isaya 25:1

Ó Dwata, uu se yóm dou gónó mogot. Tey kadatu kóm ne tey kdóyónu kóm. Tey hentaw ton yó kem deng nmoem. Gotu dnohoem yó kem deng tehe natulem là sekna.

Isaya 12:4

Bè yóm kdaw yó, angat le lemingón yó kem tau, mon le, “Hol ye slamat bè Dwata. Hol ye tmaba ebéléen anì tnóbóngen yu. Tulón ye bè kdéen benwu yóm deng gendengen bélê ye. Hol tulón ye kul yóm tey kegetahen.

Kem Lingón 99:3

Hol dóyón le yóm tey kegetahen ne tey kehtaw le du yóm kóm boluy. Laen dù belenen yóm kóm boluy.

Kem Lingón 118:28

Uu se yóm dou Dwata, tey keslamatu béléem. Tendo heglalagu yóm tey kegetahem.

Kem Lingón 107:32

Yake hol tulón le lem blóng yó kem tau gel stifun yóm tey kegeta Dwata, ne hol dóyón le lem blóng yó kem tau gónó le galak bè yóm gel kestifun le.

Kem Lingón 99:9

Hol dóyón tekuy yóm sana kut Dwata hol gónô mogot, ne tmaba tekuy ebéléen bè yóm kun bulul bè Jirusalim, abay se laen kô dù belenen yóm sana kut Dwata hol gónô mogot.

Kem Lingón 21:13

Tey kdóyón me kóm, Dwata, bè yóm tey kekgisem. Sngal me ne dóyón me yóm tey kfasangem.

Hlolò 19:2

“Tulónem yóm kdéen tau Israél yóm udélu ni, monem mò kul, Hol béen abay wen belen ye, yakà ou du yóm sana kuy Dwata hol gónó mogot, yóm laen kô dù belenen.Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

1 Tutul Israél 28:2

Omin Dabid hebkó mdà bè solu le, ne yó udélen ebélê le, monen, “Kem dumuhu setwoli ne kem dou tau. Hol hnungol ye ou. Deng hol nô bè nawahu hdà du yóm Gónô Dwata mò gónóhen tódô menek nô yóm Slungan Fasad Dwata, yóm gónóhen hmótól ti. Deng eles sentifunu yó kem ngomen,

Husiya 11:7

Yó gónó le gemfà du yó kem yó abay se deng tahu nawa le kmogol do yó kem tauhu. Baluen ke bud le htóbóng béléu, ou yóm Hol Dandónen Geta, là kô bud kenmónu kul.