Kem Lingón 99:1 - Udél Dwata: Gna Kesfasad ne Lomi Kesfasad

¹ Dwata se yóm Hol Geta. Hol le gotu kenkel yóm kdéen tau. Myón bè yóm gónón kmamal bè gónón sóól yó kem hógówen boluyen sirubim. Hol megsinsig yóm klamangen tonok.

Kem Lingón 99:1 Referans Kwoze

Kem Lingón 97:1

Dwata se yóm Hol Geta. Hol hligal he yóm klamangen benwu. Hol hligal he yó kem benwu kilil mohin.

Kem Lingón 97:4

Yóm ksilaen tendo mkal bè klamangen benwu. Bè yóm kton le du yó kem tau, gotu le likò, botong setbol kkel le.

Kem Lingón 93:1

Dwata se yóm hol dandónen geta mogot klamangen. Yó henged nes leseken, duhen yóm kegetahen ne yóm tey kekgisen. Tey mbegel kehdaen du yóm benwu, là kóen na a sliwo.

Deng Hegfan 20:11

Ominu yó bud mton yóm bangkù alì sminang bukay gónón myón yóm fen kmukum, ne tonu se yóm myón tahen. Ne bè yóm ketngelu du, tódô lana bè yó bè soluhen yóm tonok ne longit, là kô bud tonem kul ne, bà udì.

Kem Lingón 80:1

Ó Dwata, hol hnungolem nim taba me ebéléem, yakà uu du yóm gel semgyok yó kem tau Israél. Hol hnungolem mi, yakà uu du yóm gel tukô gna kum. Dengi myón bè yóm gónóm myón kmamal geta senta yóm gónó le gel nô yó kem gel hógówem.

Deng Hegfan 11:17

“Ó Dwata, yóm hol gónó mogot, yóm laen dù là gbekem du. Uu se yóm sana Dwata tenbut bè kbuten efet nim kmoen ni. Tey kdóyón me kóm, abay se deng nbutem kmamal yóm klamangen lemwót bè yóm tey kegbekem.

Deng Hegfan 6:14

Ne tódô lana yóm longit, hol lómón yóm sulat lenulun. Ne tódô le gotu lana bè sana kul gónó gel nô yó kem bulul ne yó kem hungul te mohin, là kô bud tonem kul ne.

Flipay 2:12

Duhen yó, kem dumuhu sogot nawa, deng hónô tonu yóm kimón ye do yóm tehe knóu lem blóng ye. Yake milud he kimón ye do ni kmoen ni yóm là bud knóu bélê ye. Lemwót bè yóm klikò ye ke Dwata, tódô hol henlel ye mò du yóm nmò tehe nbut Dwata bélê ye bè yóm kehewaen kuy,

Kun Snulat Luk 19:27

Bong ni kem tau alì hmohon do ni bè yóm là kóyô le du ke ou yóm mogot kul, gotu nwit ye lu edini, ne gotu hnatay ye lu bè soluhu.’ ”

Kun Snulat Luk 19:14

Okóm wen kem kun dumu menwu kmutó nawa du nim tau na a ma glalen ni. Gloken wen kem tau hógów le huli du ebè yóm tau hol geta, mon le mò du, ‘Là móyô me du kum ke fen geta bélê me nim tau nii.’

Kun Snulat Luk 19:12

Yó hningónen bélê le, monen, “Wen sotu tau kesfu datù. Tinok yóm tau hol geta bè yóm sotu benwu mayuk anì nan e ma glalen mogot yóm kun benwu. Ke deng gwahen yóm glalen, yó he kuléken.

Kem Lingón 96:10

Yó hol tulón ye bè kem tau bè klamangen benwu, mon ye mò kul, “Yóm Dwata, du se yóm hol dandónen geta kmamal yóm klamangen. Tey mbegel kmoen du yóm benwu, là kóen sliwo. Angat knukumen yóm kdéen tau, ne tey tedeng yóm kkukumen kul.”

Kem Lingón 18:10

Wen sotu hógówen alì kemgis snakayen boluyen sirubim. Móyóng, ne tey kehlóngen mung bè balu lenos.

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

Kem Lingón 82:5

Okóm yó kem tau hemgnok kul, laen kô dù tngón le. Là kô le hulung hedem. Hol lómón ke nô le lem kifu. Yó gónóm mon, là bud tonem du te tonok ne yóm tau tedeng kkukumen.

2 Samwél 6:2

Gotu nwit Dabid lu etu bè Baala yóm benwu snakuf Juda anì na le e nwa ebè yó yóm Slungan Dwata yóm bnoluy le Slungan yóm Dwata laen dù là gbeken du, yóm Dwata nô lem blóng yóm lewu kem lennged sirubim deng sù le ta yóm Slungan Dwata.Yóm Slungan Dwata yó, nwa le bè gónô Abinadab ta yóm ngà bulul, omin le lemulón du ta yóm klitun hanà lomi. Yó fen mit du yóm klitun yó, duhen yóm lewu kem ngà Abinadab logi, boluy le Usa ne Ahiyu.

1 Tutul Israél 16:30

Hyu ke wen hol klikò tekuy du, kdê tekuy kem tau bè klamangen benwu. Tey mbegel kehdaen du yóm benwu, là kóen mingol.

Kem Lingón 80:2

Hol hegfanem bè yó kem sfu Ifraim, ne sfu Bindyamin ne sfu Manasi yóm tey keslinangem. Hol htonem kum yóm kegbekem, géhél lenwaem mi ne.

Kem Lingón 96:9

Ke sut lem blóng tekuy, hol tekuy mtud bukol bè soluhen, abay se du yóm Dwata laen kô dù belenen. Hyu ke wen hol klikò tekuy du, kdê tekuy kem tau bè klamangen benwu.