Kem Lingón 92:7 - Udél Dwata: Gna Kesfasad ne Lomi Kesfasad

⁷ Tey mahil klowil le yó kem tau gel mò sidek, lómón ke kluon, mahil tmowok. Okóm angat kól yóm kdaw angat le gotu meglà, ne laen kô dù sónen yóm keglà le.

Kem Lingón 92:7 Referans Kwoze

Kem Lingón 37:38

Okóm yó kem tau mò sidek, gotu le meglà. Senged se yó kem angat lugod le, meglà le se kul.

1 Pitér 1:24

Lómón se yóm monen bè Sulat Dwata, yóm monen, “Là kóen té kun yóm klowil tau, hol lómón ke bnes. Ne yóm któtól yóm tau, lómón ke bulók lem bnes. Mahil menes yóm bnes, ne mahil mifù yóm bulók.

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Malakay 3:15

Bè kton tekuy du, hligal le kul yó kem tau heklabak. Tilob klowil le yó kem tau gel mò sidek ne baluen ke là nimón le ke Dwata, là kô gel tnafak Dwata kul.’ Ni se yóm udél ye sidek ebéléu,” mon Dwata.

Kem Lingón 73:12

Yó se kul kmò yó kem tau gel mò sidek. Tey wen gónó le ma, ne sónmoen temnù yóm nô bélê le.

Isaya 37:27

Yó kem tau menwu bè yó, laen kô dù gmò le. Ya tey sidek klikò le, tódô le teneng. Hol le mkél bè bnes talak tniba duhen ke kluon gel tmowok te ketef, mahil menes sok sut yóm lenos alì mayuf kinì.”

Kem Udél Hlalak Tehe Selumun 1:32

Yó kem tau là ngelem kehedem le matay le, lan le kembê yóm khulung hedem. Yó kem tau book meglà le se kul lemwót bè yóm là dog kehedem le du.

Kem Lingón 94:4

Són udél heklabak btang bè sumóng le. Henklabak le yó kem deng nmò le.

Kem Lingón 73:22

Tey là hyuhen tum kehedemu tu, lómón tóe knawa ógóf, laen dù tngónu. Là dog naw hentukul du yóm kóm kmò.