Kem Lingón 92:5 - Udél Dwata: Gna Kesfasad ne Lomi Kesfasad

⁵ Tey tennga, Dwata, yó kem hentaw ton gel nmoem. Tey ngelem yóm kóm kehedem.

Kem Lingón 92:5 Referans Kwoze

Kem Lingón 40:5

Deng tey dê ne yó kem hentaw ton nmoem bélê me, Dwata. Uu se yóm Dwata gónó me mogot, laen kô dù semnged kóm. Deng tey wen kem atul knóón nmoem bélê me, là kô gbeku msó kul, tey le wen.

Kem Lingón 139:17

Ó Dwata, tey bong muhen béléu yóm kdê kehedemem, là kô gbeku msó kul.

1 Kurin 2:10

Okóm deng hetngón Dwata tekuy ne nim tehe bunihen ni, hlanen bè Tulusen. Yóm Tulus Dwata, gotu tngónen kdéen. Balù yóm atul Dwata là deng hegfanen du, tódô gotu tngónen.

Kem Lingón 111:2

Tey hentaw yó kem gel nmò Dwata. Yake hol hendem le yó kem tau wen kligal le bè Dwata.

Deng Hegfan 15:3

Ne gotu le semngal. Sngal le yóm tehe kun sngal Musis, yóm sotu tóbóng lówó Dwata ekni. Bud yó snéen kun sngal yóm Ngà Ubiha. Yó sngal le, monen, “Ó Dwata, yóm gónó mogot bè klamangen, laen dù là gbekem du, ne tey kehtaw me du yóm gel nmoem. Uu se yóm hol geta mogot yóm klamangen, ne sal hyu yóm gel nmoem, hono tedeng.

Kem Lingón 104:24

Ó Dwata, tey deng dê nmoem, ne teyi hulung mò kul yóm kdéen. Tódô tfeng klamangen benwu yó kem ógóf deng dlimunem.

Kem Lingón 66:3

Mon ye mò ke Dwata, “Tey hentaw me yó kem deng nmoem. Lemwót yó kem hohonem, gotu le likò bè yóm tey kegbekem.

Jirimaya 23:20

Ne là kóen na a hotok yóm kebut Dwata yó efet gotu dengen yóm atulen eta yó kem tau mò sidek. Angat getnef ye he nim ni elem hulin kdaw.”

Kem Lingón 36:6

Yóm kóm ktedeng, hol lómón kbegelen yó kem bulul lembang. Yóm kukum tedeng nwitem, hol lómón kngelemen mohin. Tey gel kesgifaem kul, Dwata, yóm kdéen tau kkólen bè yóm kdéen ógóf.

Kem Lingón 64:6

Yóm igò le matul mò du yóm sidek, yó mon le, “Deng wen atul nmò me hono hyu.” Tahu se, yóm kehedem tau ne yóm nawahen, tey hulung mò atul.