Kem Lingón 92:4 - Udél Dwata: Gna Kesfasad ne Lomi Kesfasad

⁴ Tey kehefligalem dou, Dwata, bè kdê yó kem deng gendengem béléu. Ke hendemu yó kem deng gendengem yó, botonge semngal lemwót bè kligalu.

Kem Lingón 92:4 Referans Kwoze

2 Kurin 2:14

Okóm tey kdóyónu ke Dwata, abay se lemwót bè yóm deng kessotu me bè Krays, hol lómón ke mi se yó kem tau deng nfunen bè yóm tehe katuen. Duhen mi se yóm tau hol nfunen mò gel htonen bè dumu tau. Ne hlan Dwata bélê me yóm kehbólen du bè klamangen yóm kun kmò Krays. Yóm tulón nwit me yó, hol lómón ke yóm hboo alì minggel boohen.

Kem Lingón 8:6

Deng gotu sigangem tahen yóm kentihen

Kun Snulat Luk 1:47

ne tey kehyu nawahu ebè Dwata, yóm deng lemwà do gu lem hatay.

Kem Lingón 126:3

Tahu se, tey bong któbóng Dwata tekuy. Ya tey kligal tekuy bè yóm kdaw yó.

Kun Snulat Jan 16:22

Senged se kuy, tolo ye langag ni kmoen ni. Okóm sok tekuy bud ston, bud wen tey kligal ye. Ne laen kô dù tau gembek mkó du bélê ye yóm kligal ye yó.

Deng Hegfan 18:20

Okóm kuy du, yóm kdê ye gel nô bè longit, hol ye hligal lemwót bè yóm deng keglaen. Hligal ye ne, yu kem tau Dwata, ne yu kem tehe gel hógów Jisas, ne yu kem tehe gel tugod Dwata, abay se deng tnafak Dwata ne lemwót bè yóm tehe sidek nmoen bélê ye.

Kem Lingón 143:5

Gtulón nawahu yóm kdaw gnan ekni. Sónmou hemdem du yó kem tehe gel nmoem, Ne bud hendemu snéen yó kem tey gendengem.

Jirimaya 31:7

Ni bud udél Dwata, monen, “Hligal ye semngal gbak bè yó kem tau Israél. Mensag ye dé bè yóm kdóyón ye kul yó kem tau alì tnóbóng Dwata bè kdéen tau talak tonok. Hgel ye udél ye dmóyón kul, mon ye, ‘Ó Dwata, hol hewaem yó kem tauhem. Hol hewaem yó kem dù tebel bè yó kem tau Israél.’

Kem Lingón 104:31

Laen kô dù nan e són yóm kun kegeta Dwata. Hyu ke hol hligal du yóm kdê deng nmoen.

Kem Lingón 90:16

Htonem kum mi kem kóm tau yóm tey kegbekem. Ne bud htonem yó kem semfu gu bélê me snéen yóm tey klinggelen yóm kegbekem yó.

Kem Lingón 64:10

Kdê yó kem tau tedeng nmò le, hol le hligal lemwót bè yóm deng nmò Dwata, ne bè Dwata gónó le e mlo. Ne yó kem tau hyu kmò le, tey kdóyón le ke Dwata.

Kem Lingón 104:34

Yake hol hyu nawa Dwata du yóm klingónu ebéléen, yakà lemwóten béléen yóm kligalu.

Kem Lingón 33:2

Hol ye slamat bè Dwata mlan bè yóm gel kenbit ye. Hol ye semngal ebéléen, hmung ye bè yó kem dumu bud gel kenbit ye.