Kem Lingón 92:3 - Udél Dwata: Gna Kesfasad ne Lomi Kesfasad

³ Bè yóm kesngal me, hmung me yó kem gel kenbit me, tey tilob kessutóm le.

Kem Lingón 92:3 Referans Kwoze

Kem Lingón 33:2

Hol ye slamat bè Dwata mlan bè yóm gel kenbit ye. Hol ye semngal ebéléen, hmung ye bè yó kem dumu bud gel kenbit ye.

Kem Lingón 68:25

Tukô gna du yó kem tau hulung semngal, ne huli du yó kem tau hulung le huni yó kem nyuf le. Mung bélê le yó kem sawang libun, huni yó kem tamburin.

2 Tutul Israél 23:5

ne yóm gewuhen bung mò fen mentey bè gónô bong yóm tau hol geta, ominen yóm getluhen bung mò fen mentey ditu bè yóm bak tikeb bnoluy le bak tikeb hembegel. Ne kdê yó kem dumu tau, gotu le stifun bè lósól yóm Gónô Dwata.

1 Tutul Israél 13:8

Yó nmò Dabid ne yóm kdéen tau Israél, gotu le hligal bè solu Dwata, tódô hotu le gel le semngal ne huni yóm kdê gel nuni le, wen se kenbit le, ne wen se knokot le, ne wen se sentutuk le, ne wen se nféw le bè yóm igò le mógów.

Kem Lingón 9:16

Tey tótól Dwata bè ktedeng kkukumen. Yó kem tau mò sidek, gholot le bè yóm sidek nmò le.

1 Samwél 10:5

Bè yóm kkólem bè yóm kun Bulul Dwata bè Gibya, bè yóm benwu gónó le kmamfù yó kem Flistin wen lumbuk kem tugod Dwata geslongem, lemwót le gu bè yóm gónó le gel demsù ta yóm bulul udì. Wen tey nuni le, wen kenbit le ne wen tamburin le ne wen sloli le ne wen htugod Dwata kul.

Kem Lingón 149:3

Hol dóyón ye boluyen mlan bè kadal ye, hmung ye bè yóm tamburin gel nuni ye ne bè yó kem gel kenbit ye.

Kem Lingón 57:8

Yó hendemu, btike dé anì nunihu yó kem gel kenbitu. Naw bentik kdaw mlan bè lingón.

2 Tutul Israél 29:25

Lemwót yó kem sfu Libay, sù Hisikaya yóm tau hol geta lu bè yóm gónó le gel mdà lem Gónô Dwata, nogot le yó kem gel sendofì le ne yó kem gel huni le. Tódô lolò Hisikaya yóm tehe hlolò Dwata ke Dabid hlanen bè Gad yóm tau gel wen hton Dwata du, ne bud bè yóm sotu tugoden boluyen Natan.

2 Tutul Israél 20:28

Bè yóm kkól le bè Jirusalim, tódô le hlós ebè Gónô Dwata igò le huni yó kem gel kenbit le lel le mféw.

Kem Lingón 42:9

Dwata se gónóhu hofin. Yó monu mò du, “Moen de ke deng klifótem ou? Moen ni du ke tódô seflós yóm keglayamu lemwót bè yóm tey sidek nmò le béléu yó kem hohonu?”