Kem Lingón 92:1 - Udél Dwata: Gna Kesfasad ne Lomi Kesfasad

¹ Tey hyu ke gel me slamat bè Dwata. Tey hyu semngal du yó kem sngal dmóyón ke Dwata yóm Dwata Hol Dandónen Geta.

Kem Lingón 92:1 Referans Kwoze

Kem Lingón 147:1

Hol dóyón tekuy Dwata. Tey hyu gemnóm du ke sngal tekuy ebè kut Dwata yóm sngal dmóyón du. Tey minggel gemnóm du, ne tey knóón ke sendóyón tekuy Dwata.

Kem Lingón 107:1

“Hol ye gel slamat ebè Dwata abay se tey hyu kmoen ebélê tekuy. Laen kô dù sónen yóm kbong nawahen tekuy.”

Ifisus 5:19

Ke gel ye stulón, gel hmung ye dé yóm udél nô bè bok Lingón dalang se yó kem sngal Dwata. Senged se ke gel ye semngal ebè yóm gónó tekuy mogot, hol hmung ye snéen ni kem ni, mung du yóm gel kdóyón ye du.

Kem Lingón 135:3

Hol dóyón tekuy Dwata, abay se tey hyu yóm Dwata tekuy. Hligal sngal tekuy yóm tey klinggel boluyen.

Kem Lingón 33:1

Yó kem tau tedeng kmò ye, hol ye hligal mensag bè Dwata, yakà teyen knóón bélê ye dmóyón du. Yu kem tau gel mimón ke Dwata, hol dóyón ye se kuy.

Kem Lingón 73:28

Okóm béléu, alì hyu gemnóm du yóm kehlonihu ebè Dwata anì naw e heklung béléen, yóm Dwata hol gónó mogot. Tey hyu gemnóm du snéen yóm gel keheglalagu du yóm kdê gel nmoen.

Kem Lingón 107:8

Là gbek le du ke là dóyón le ke Dwata bè yóm là konolen yóm kbong nawahen kul, ne bè yóm tey kehyu yóm deng nmoen bélê le.

Kem Lingón 52:9

Ó Dwata, laen kô dù tul sónen yóm tendo kdóyónu kóm lemwót bè yó kem deng gendengem. Dóyónu yóm tey kehyuhem lem blóng yó kem kóm tau.

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Kem Lingón 107:15

Là kô gbek le du ke là dóyón le ke Dwata bè yóm là konolen yóm kbong nawahen kul, ne bè yóm tey kehyu yóm deng nmoen bélê le.

Kem Lingón 54:6

Dsuu ebéléem, Dwata, yóm dsù tódô lemwót bè dou nawa. Dóyónu uu lemwót bè yóm tey kehyuhem.

Kem Lingón 92:8

Okóm uu se, Dwata yóm hol geta bè longit, ne laen kô dù sónen yóm kegetahem.

Kem Lingón 50:23

Okóm ke hol tahu yóm keslamat ye béléu, henged hol tahu dsù gónó ye madat dou. Ke lolò ye yóm dou lan, hegfanu bélê ye yóm kegewà lemwót béléu.”

Kem Lingón 82:6

Yó tehe monu mò kul yó kem tau kmukum yó, ‘Lómón ke dwata ye, hono ye ngà yóm Dwata Hol Dandónen Geta.

Hibru 13:15

Duhen yó, bê tekuy nmò sónen yóm kdóyón tekuy ke Dwata hlan tekuy bè Jisas, ne hol tulón tekuy bè kem dumu tau Jisas se yóm gónó tekuy mogot. Ni se mò henged dsù tekuy ebè Dwata.

Hibru 4:9

Bè ktahuhen, bélê tekuy kem tau Dwata, tolo wen he gónó tekuy tahu hegnô, lómón yóm tehe kun kehegnô Dwata bè yóm ghituhen kdaw ekni.