Kem Lingón 9:5 - Udél Dwata: Gna Kesfasad ne Lomi Kesfasad

⁵ Deng gotu bnólówem yó kem tau mò sidek bè dumu benwu. Deng gotu genlaem lu. Gotu hlanahem boluy le laen kô dù tul sónen.

Kem Lingón 9:5 Referans Kwoze

Kem Udél Hlalak Tehe Selumun 10:7

Baluen ke deng matay yóm tau tedeng kmoen là kóen mkó kehtulón le du nawa kem tau, okóm yóm boluy yóm tau mò sidek tódô klifót le.

Deng Hegfan 19:15

Yóm smakay tukô gna kul yó, wen hsut gu lem baken lómón ke sudeng alì telem mò atuen yó kem tau hol geta bè klamangen benwu. Yóm kkamalen kul tey mefges lómón ktétélen bala tók. Lómón ketken le yóm bungu grép anì molo élen, lómón yó se ketkenen mdà kul elaan yó kem hmohon du. Ni se kehegfan Dwata du yóm alì sidek kebuten kul, yóm Dwata laen kô dù là gbeken du.

Malakay 4:3

Sok deng hto yóm dou buteng tmóbóng kuy, laen dù bud gmò le bélê ye yó kem tau mò sidek, lómón ke olo le kfung demket laan hólól ti ye,” udél yóm Dwata laen dù là gbeken du.

Dwata 9:14

Béem tô henseng ou bè nim nmou bélê le ni abay se deng nô bè nawahu ne yóm keglau kul anì laen dù bud hemtulón kul nawa. Okóm kóm, nmou uu mò mà yóm sotu but tau alì genged ne alì mbegel senta le.’

Kem Udél Hlalak Tehe Selumun 13:9

Yóm tau tedeng kmoen lómón ke layag mtataw knóngen, okóm yóm tau gel mò sidek lómón ke solok móyón mlef.

Kem Lingón 149:7

anì bneles le yó kem dumu benwu hmohon kul, ne tnafak le yó kem tau nô lemen.

Kem Lingón 79:10

Moen du ke bayaem lu mudél yó kem tau bè tólóng benwu, yó kem tau là temngón kóm, yó udél le, “Nô se Dwata le du?” Hegfanem bélê me yóm kbelesem kul bè yóm khatay le yó kem tóbóng lówóhem.

Kem Lingón 78:55

Deng gotu lohen yó kem tau tehe nô bè yóm benwu yó. Nólólen yóm tonok le mò blayen yó kem tau Israél mò nfun le. Ne bè yó gónón hemsù kul yó kem tau Israél.

2 Samwél 17:23

Tikóng tngón Ahitufél yóm là klolò le du yóm kun hlau, tódô lemwót, senyaen kudà asnuhen, ne mulék ebè yóm kun benwu. Wen kem udél tebelen bè yó kem fes lówóhen, ominen mówól liholen, ne matay. Ne lebeng le bè yóm kilib tehe gónó le lembeng ke maen.

Kem Lingón 5:6

Sal genlaem yó kem tau mò kéng. Tey sidek keklitem yó kem tau monok ne kem tau smukat.

Kem Lingón 2:1

Kihol le gel tô matù ke Dwata yó kem tau bè klamangen benwu? Kiholen dê gel tô atul le? Yakem wen se gónón e kól.

1 Samwél 31:4

Yó udélen ebè yóm tau gel mit klungen, monen, “Dilotem sudengem, tnibóhem ou anì mataye. Là hyuhen ke yó kem tau là temngón ke Dwata yóó yóm hmatay dou, déke hennê le ou.” Okóm là kóen móyô yóm tau gel mit klungen yó, likò mò du. Yó gónó Sol tódô dmilot yóm sudengen ne tódô hneeben.

1 Samwél 25:32

Yó balà Dabid ke Abigil, monen, “Tey megdóyón yóm Dwata yóm Dwata yó kem tau Israél, yóm deng hógów kóm na a semlong do kemdaw ni.

1 Samwél 25:39

Timbow gungol Dabid yóm deng katay Nabal, yó udélen, monen, “Megdóyón yóm Dwata, du se fen meles ke Nabal bè yóm sidek deng nmoen béléu. Deng henseng Dwata o anì là melese. Deng guta Nabal ne balà yóm nmoen.” Omin Dabid kendel mdók tau ebè Abigil anì snólók le ke móyô myehen ke Dabid.

Kem Lingón 7:12

Ke là hegselen yóm tau, yó nmò Dwata, eles gel néhéken sudengen, eles gel bentulen bohohen.