Kem Lingón 9:2 - Udél Dwata: Gna Kesfasad ne Lomi Kesfasad

² Tey bong kligalu béléem. Sngalu yóm sngal dmóyón kóm, Dwata yóm Dwata hol Dandónen Geta.

Kem Lingón 9:2 Referans Kwoze

Kem Lingón 83:18

anì tngón le tek sónen uu Dwata, ne tek sónen uu yóm Hol Dandónen Geta mogot klamangen benwu.

Kem Lingón 5:11

Okóm yó kem tau mlo ebéléem, hligal le se kul. Lemwót bè yóm tey kligal le, tendo sngal le yó kem sngal dmóyón kóm. Nofinem lu anì yó hol le hligal kdê yó kem tau kembong nawa kóm.

Kem Lingón 7:17

Slamate ebè Dwata lemwót bè yóm tey ktedengen. Sngalu yóm sngal dmóyón ke Dwata yóm Dwata hol Dandónen Geta.

Kem Lingón 97:9

Yakà uu du, Dwata yóm hol dandónen geta bè klamangen benwu. Uu se hol geta senta yó kem dumu dwata.

Kem Lingón 28:7

Dwata yóm gel temgel dou, ne bud du se kemlung dou bè yó kem sidek. Hol lemwót lem but blututu yóm ksaligu du. Tendo tnóbóngen ou, ne ya tey kligalu. Gel utómu lingón yóm kdóyónu du.

Flipay 4:4

Hol ye tendo gel hligal dé lemwót bè yóm deng kessotu ye bè yóm gónó tekuy mogot. Bud nulitu bélê ye yóm monu yó koni, hol ye gel hligal dé.

Kem Lingón 97:12

Yu kem tau mò du yóm tedeng, hol ye hligal bè Dwata. Hol dóyón ye yóm kun boluy.

Kem Lingón 92:1

Tey hyu ke gel me slamat bè Dwata. Tey hyu semngal du yó kem sngal dmóyón ke Dwata yóm Dwata Hol Dandónen Geta.

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Kem Lingón 92:4

Tey kehefligalem dou, Dwata, bè kdê yó kem deng gendengem béléu. Ke hendemu yó kem deng gendengem yó, botonge semngal lemwót bè kligalu.

Kem Lingón 43:4

Ke lómón yó nmoem béléu, Dwata, angate gógów ebè yóm gónó me gel demsù ebéléem. Tek són uu gónóhen lemwót yóm kligalu. Angate gel hemglung ne semngal mò lanu dmóyón kóm, Dwata. Uu se yóm Dwata dou hentahu.

Kem Lingón 27:6

Yó gónóhu gemmò bè yó kem hohonu hmilol dou. Ya tey kligalu, botonge mensag bè yóm kedsuu ebè Dwata bè Gónóen, lelu lemingón ebéléen lanu dmóyón du.

Kem Lingón 26:7

lingónu yóm lingón dmóyón kóm, ne tulónu yóm kdê hentaw ton deng nmoem.

Kem Lingón 86:12

Tódô hotuhu nawahu dmóyón kóm, Dwata yóm dou Dwata hol gónó mogot. Laen kô dù sónen kdóyónu du yóm kóm boluy,

Kem Lingón 96:3

Hol heglalag tekuy bè yó kem dumu tau yóm tey kegetahen, ne yóm tey kegbeken lem blóng yóm kdéen tau.

Kem Lingón 138:1

Ó Dwata, hotuhu nawahu slamat béléem. Lingónu yó kem lingón dmóyón kóm bè solu yó kem dwata kéng.