Kem Lingón 86:3 - Udél Dwata: Gna Kesfasad ne Lomi Kesfasad

³ Hol knoduhem ou, Dwata, yakà senflósu du kdaw tendo tmaba ebéléem.

Kem Lingón 86:3 Referans Kwoze

Kem Lingón 57:1

Hol knoduhem ou, Dwata, hol knoduhem ou, tek són uu gónów gel hofin. Angate hebnos laan hafakem efet gotu mkó yóm tey lenos bong nii.

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Kem Lingón 88:9

Tódô kmefen ketngelu lemwót bè kkiku. Tódô ket kdawu htóbóng béléem, Dwata. Hdau eta hólólu bè yóm kehkoduhu béléem.

Kem Lingón 25:5

Hol nalakem ou lemwót bè yóm ktahuhen lemwót béléem, ne hol tolokem ou, abay se uu yóm Dwata deng gel lemwà dou. Tódô knoyungu kdaw tendo smalig béléem.

Kem Lingón 56:1

Ó Dwata, hol knoduhem ou, abay se deng nundug le ou yó kem hohonu. Knoyung le kdaw mundug dou.

Kem Lingón 55:17

Keten hlafus ne kemdaw ne kifu kgefeten bè Dwata yóm tendo ktalawu ne kdolongu, ne gel hnungolen ou.

Kem Lingón 4:1

Ó Dwata yóm gel mfi dou. Hol bnalaem ou bè yóm ktabahu ebéléem. Kóhem dou yóm gónón sidek kegnómu du. Hol knoduhem ou, ne hnungolem dou yóm hnihu.

Kun Snulat Luk 18:7

Milud he kofin Dwata yó kem kun tau tendo gel mni tóbóng béléen ket kdaw ne ket kifu. Là kô feng gnanggaen kul.

Kem Lingón 41:5

Okóm yó udél le tendo tmuled dou yó kem hohonu, mon le, “Kilón katayen anì tódô lana boluyen?”

Kem Lingón 88:2

Hol hnungolem yóm knihu, ne hol henklinguhem yóm alì kehtóbóngu béléem.

Kem Lingón 88:10

Deng wen kô kem hentaw ton nmoem bè yó kem tau deng matay? Gbek le bud btik kô anì dóyón le uu?