Kem Lingón 85:9 - Udél Dwata: Gna Kesfasad ne Lomi Kesfasad

⁹ Bè ktahuhen, là buden legen ne kehewà Dwata yó kem tau wen klikò le du, anì gfan bè klamang benwu tekuy yóm tey keslinang Dwata.

Kem Lingón 85:9 Referans Kwoze

Sikaraya 2:5

Yakà ou du yóm ofi beng hmilol yóm syudad Jirusalim ne bud ou yóm klóón tendo nô lemen. Dwata se mon du nim ni.’ ”

Isaya 46:13

Igoen deng moni yóm kehegmou kuy, móyónen htó ne laen kô bud gónón ganggà. Angat lenwau Jirusalim ne hegetahu yó kem tau Israél bè yó.” Là gomongen bè nili yóm tsaptér 47. Yó tulónen bè ni yóm eles ktulón Isaya du yóm angat kegbà Babilun, yóm benwu alì tótól bè ksidek gel nmò le. Tulón Dwata bè yó kem tauhen yóm kéléken yóm benwu Babilun mò tmafak kul, okóm alì gedlug yóm kmò kem tau Babilun kul. Balù udì ke wen kodu le yó kem tau Israél. Okóm yó mon Dwata ebè yó kem tauhen, “Yóm alì gfà ye, bud huléku eta yó kem tau Babilun ne là kô le gewà du. Balù sotu bè yó kem gel snalig le ke tô gembek lemwà kul, balù yó kem wè le, ne yó kem tau wen gónó le ma, ne yó kem tau gónó le hmungol hlau duhen ke yó kem tau hulung temngel kógów blotik, là kô na le e gbek du lemwà kul.”

Kun Snulat Jan 7:17

Yó se tau móyô mimón yóm kun kóyô Dwata,” monen, “dilóen ke lemwót bè Dwata nim toloku ni duhen ke tódô lenbuu.

Kun Snulat Luk 2:32

Du henged layag mò hegfan yóm kóm kóyô bè yó kem dumu tau là Ju le, ne bud du se gónón lemwót yóm angat kdóyón le kum mi kem tau Israél.”

Sikaraya 2:8

Yó bud udél yóm hógów Dwata, monen, “Angat megdóyón bélê ye yóm Dwata laen dù là gbeken du, lemwót bè yóm khógówen do ebè tu kem benwu deng tehe megef kimu ye mò tmafak kul, abay se yóm tau deng hemsidek kuy, hol lómón ke deng hensideken yóm hol mebtes bè Dwata.

Kem Lingón 50:23

Okóm ke hol tahu yóm keslamat ye béléu, henged hol tahu dsù gónó ye madat dou. Ke lolò ye yóm dou lan, hegfanu bélê ye yóm kegewà lemwót béléu.”

Kul Nmò 13:16

Omin Pol mdà, dmiwel sigel ebélê le, monen, “Yu kem dumuhu tau Israél, dalang se yu kem tau là Ju le deng hemtahu bè Dwata, hol hnungol ye yóm tulónu kuy.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Kem Lingón 119:155

Yó kem tau gel mò sidek, tey mayuk bélê le yóm kehewaem kul, abay se là kô kenmón le du yó kem hloloem kum.

1 Samwél 3:9

Yó gónó Ili mon du mò ke Samwél, “Budi mulék ebè gónóm tungô. Ke bud tnabahen uu kedeng, monem mò du, ‘Yó ne, Dwata, mudéli. Hnungolen uu yóm tóbóng lówóhem.’ ” Tahu se, bud mulék ebè gónón tungô Samwél.

Jirimaya 29:11

Yakà dengen wen kem dou atul bélê ye, hono kem atul hyu, là kô gfà du, kem atul hyu bè klowil ye elem hulin kdaw mò nefet nawa ye.

Isikél 3:10

Bud monen mò do, “Yó ne, Tau Tonok, hol eles hnungolem se kóm yóm udélu ebéléem ne hol gna suem bè nawahem yóm kdê tulónu kóm.

Hbakuk 2:1

Ni mkafe eta yóm gónô mentey geta, bè yó gónóhu mangat du yóm udélen ebéléu yóm sana Dwata hol gónó mogot ne yóm kmò kbalaen du yóm tnakasu.