Kem Lingón 85:4 - Udél Dwata: Gna Kesfasad ne Lomi Kesfasad

⁴ Bud hesfulékem mi ebéléem, Dwata yóm Dwata gel lemwà kum. Hol klifótem ne yóm kebutem kum.

Kem Lingón 85:4 Referans Kwoze

Kem Lingón 80:3

Ó Dwata, bud hulékem mi ebéléem. Hol knoduhem mi, són se bè yó gónó me gewà.

Kem Lingón 80:7

Ó Dwata, bud hulékem mi ebéléem. Hol knudungem mi, són se bè yó angat gónó me gewà.

Mika 7:7

Okóm béléu do, són bè Dwata gónów htóbóng. Là kóen megewu nawahu du yóm angat kehewaen dou. Gel hnungolen ou yóm dou Dwata.

Malakay 4:6

Yóm ktoloken kuy anì bud sulék nawa yó kem tau smà ne yó kem tau sngà. Ke là dengen sulék nawa ye bè yóm angat kkólu, angat tnafaku yóm benwu ye.” Ni se són yóm htugod Dwata ke Malakay.

Kem Lingón 80:19

Ó Dwata yóm mogot kum, bud hulékem mi ebéléem, yakà uu du se yóm laen dù là gbeken du. Hol knudungem mi, són se bè yó gónó me gewà.

Kem Lingón 27:1

Dwata se henged layagu, ne du se lemwà dou. Yó gónóm mon, laen dù bang knikou. Tendo kenlungen ou bè yó kem gfà, yó gónóhu là bud likò.

Kem Lingón 25:2

Tey ksaligu kóm, Dwata. Béem abay henyak ou, duhen ke hefligalem yó kem hohonu bè yóm là kegmou.

Danyél 9:16

Ó Dwata, lemwót bè yóm tey kehyu yóm tehe gel któbóngem kum, yó gónó me mni béléem anì béem bud lenbut ne yóm syudadem Jirusalim yóm kóm bulul. Lemwót bè yó kem salà me ne salà yó kem tehe fù me but gónó le alì hemnê yóm benwu Jirusalim ne yó kem tauhem yó kem tau menwu hmilol kum.

Jirimaya 31:18

Deng gungolu yóm udél le hegsel yó kem tau Israél yóm kmon le du, ‘Ó Dwata, ke hningón me yóm kmoem kum, hol me mkél bè yóm safì là deng wen tmolok du dmadu. Okóm ni deng tolokem mi mimón. Hol bud hnomihem mi ne nwitem mi semfulék, yakà tek són du uu yóm sana kum Dwata hol gónó mogot.

Kun Snulat Jan 4:22

Yu kem tau lemwót bè Samarya, là kô hol tngón ye du yóm tnaba ye. Okóm bélê me kem Ju, tey mtukul ketngón me du yóm tnaba me, abay se bélê me gónóhen lemwót yóm tau mò lemwà kul gu lem hatay.

Kem Lingón 78:38

Okóm balù yó he, tey kkodu Dwata kul, hnifóten salà le, ne là kô genlaen kul. Tey dê duléken ne mafas du yóm kebuten kul, là hesuten du yóm alì sidek kebuten kul.

Juswa 7:26

Tikóng deng gotu hkekeb le lu, tey botu snuduk le ta le ne efet nim kmoen ni sana knóen bè yó, yó kem botu yó. Lemwót bè yóm gfà le Akan bè yó, yó gónó le moluy du Datal Gfà yóm datal yó efet ni kmoen ni. Ominen yó he mkó ta yó kem tau Israél yóm tey kebut Dwata kul.

Isaya 12:1

Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.

Husiya 11:9

Là. Là kô tnafaku kuy ke là lemwóten bè yóm alì sidek kebutu kuy. Là kô hensulék genlau kuy, kem tau Israél, yakà ou du yóm hol Dwata, là tauhe tonok. Ou yóm laen dù belenen tendo nô bélê ye. Là kô yó du nmou ke naw e hensulék genlà yu lemwót bè yóm tey kebutu kuy.