Kem Lingón 85:2 - Udél Dwata: Gna Kesfasad ne Lomi Kesfasad

² Deng gotu hnifótem salà yó kem kóm tau. Tahu se, deng gotu kóhem bélê le kdê salà le.

Kem Lingón 85:2 Referans Kwoze

Mika 7:18

Laen kô dù dumu Dwata mkél kóm. Uu se yóm Dwata hmifót salà yó kem dù tauhem mowil. Sal gel wen sónen yóm kebutem tau, abay se yó hol nô bè nawahem yóm kkoduhem kul.

Kulasi 2:13

Tehe yu ekni, deng ye golu elem hatay lemwót bè yóm kegsalà ye, ne bud lemwót bè yóm là deng kkó ye du yóm óyô ye mò sidek. Okóm ni, deng hlowil Dwata yu, gomong ye bè yóm tehe kehlowilen ke Krays gu lem hatay. Ne gotu hnifóten yó kem kdê salà tekuy.

Kem Lingón 32:1

Hligal le kul yó kem tau deng hnifót Dwata bélê le yó kem salà le, ne ke là bud hendem Dwata du yó kem deng tehe gónó le mulé du.

Lista 14:19

Ne ni, Dwata, lemwót bè yóm là konol yóm tey kbong nawahem kum mnihe béléem, hol hnifótem bélê le salà le ni kem tau ni lómón se yóm deng tendo gel nmoem bélê le lemwót bè yóm tehe kehewà le gu bè Idyip efet nim kmoen ni.”

Kem Lingón 78:38

Okóm balù yó he, tey kkodu Dwata kul, hnifóten salà le, ne là kô genlaen kul. Tey dê duléken ne mafas du yóm kebuten kul, là hesuten du yóm alì sidek kebuten kul.

Isra 1:2

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen do yóm klamang benwu. Deng fen sigangen tahu bud hemdà du yóm kun Gónô bè Jirusalim yóm syudad glem lem Juda.

Kem Lingón 126:1

Bè yóm tehe khulék Dwata tekuy ebè Jirusalim, hol lómón ke olo kna.