Kem Lingón 85:1 - Udél Dwata: Gna Kesfasad ne Lomi Kesfasad

¹ Ó Dwata, deng tódô kokem eta yóm tonokem yóm tóbóng là deng wen hnikót mton du. Deng bud hen-gulékem klowil me mi kem tau Israél.

Kem Lingón 85:1 Referans Kwoze

Kem Lingón 14:7

Tey gel knihu bè Dwata anì géhél hegmoen tekuy kem kun tau Israél. Lemwót gu bè kun Bulul Sayun yóm któbóngen tekuy yó. Angat tey kligal tekuy sok bud hen-gulék Dwata yóm klowil tekuy.

Jirimaya 30:18

Okóm yó udél Dwata, monen, “Bè yóm kwitu kuy semfulék gu bè yóm benwu deng gónó le megef kuy yó naw e bud kehgulék klowil ye, bud hdau snéen yóm syudad Jirusalim bè yóm sana gónóhen seblà, balù yóm tey kegbaen. Dalang se yóm gónô bong yóm tau hol geta bélê ye, bud hdau hol mkél bè yóm gnan.

Kem Lingón 77:7

Laen dù tul sónen ne kô yóm kekbê Dwata dou? Là buden hligal béléu ne kô?

Juwél 2:18

Ne yó bud hendem Dwata yóm tonoken ne yóm bud kkoduhen yó kem tauhen.

Kem Lingón 42:1

Tey khebel nawahu kóm, Dwata. Hol lómón ke yóm uhu mlóy, alì sidek kleengen mebel él.

Sikaraya 1:16

Yó gónóm mon, yó bud udél Dwata, monen, Denge bud mulék ebè Jirusalim lanu kmodu yó kem dou tau. Angat bud tenlob le yóm dou Gónô bè yó, dalang se yóm dou syudad, angat bud hdà le. Yóm Dwata laen dù là gbeken du nim mudél ni.’

Juwél 3:1

Yó udél Dwata, monen, “Bè yóm kdaw yó, yóm kdaw bud kehguléku klowil yó kem tau bè Juda ne bè Jirusalim,

Jirimaya 31:23

Yó udél yóm Dwata laen dù là gbeken du yóm Dwata yó kem tau Israél, monen, “Bè yóm bud kwitu kul semfulék yó kem tauhu, yó bud mon yó kem tau bè Juda ne bè yó kem syudaden, ‘Dwata he hol muyag du yóm kun bulul bè Jirusalim yóm hol kun gónó nô.’

Isra 1:11

Yó kwen yó kem ngom bud hwit Sirus kul le Sisbasar, 5,400 kwenen, hono ngom nmò bè tahu blówón ne bè blówón bukay. Nim kdéen ni, gotu nwit le Sisbasar ne yó kem dumuhen tehe negef bud mulék ebè Jirusalim gu bè Babilun. Là gomongen bè nili yóm tsaptér 2. Yó tulónen yóm gotu ksó le yóm kdê yó kem tau Israél tehe negef bud mulék ebè benwu le mò tmóbóng bud hemdà yóm Gónô Dwata. Yó kmò ksó le kul, nsó le lu mlan bè ket tbong le bede olo le lista yó kem tuha gónó le gu semfu. Bud tulónen bè ni snéen yóm tey keblat yó kem tahu blówón ne blówón bukay blay le mò klóón yóm Gónô Dwata.