Kem Lingón 83:9 - Udél Dwata: Gna Kesfasad ne Lomi Kesfasad

⁹ Hol nmoem bélê le yóm tehe deng nmoem bè yó kem tau Midyan, ne hol lómón yóm deng tehe nmoem bè Sisira ne bè Jabin ditu bè Él Kisun.

Kem Lingón 83:9 Referans Kwoze

Isaya 9:4

Yakà deng tódô tenfokem du yóm yok tehe alì hmayam kul. Dalang se yóm bogul tehe gel bogul le bè abal le, deng tódô tenfokem. Abay se deng gotu genlaem yó kem hohon le tehe alì mongò hemsidek kul. Hol lómón keglaem kul lómón yóm tehe keglaem yó kem tey sendalù wen lemwót bè benwu Midyan.

Kmukum 5:21

Yóm Él Kisun, tódô dmunuk ne gotu le konul le Sisira. Konul le bè yóm tey kdunuk Él Kisun. Okóm dou, tódóe hekteng ne hfólu nawahu.

Kmukum 4:7

Lemwót dou,’ mon Dwata, ‘nwitu Sisira, yóm kmandér bè yó kem sendalù Jabin mò mit kuy sgida bè yó bè Él Kisun. Gotu nwiten yóm kdê klitun tóken ne yóm kdê sendaluen, okóm hegmou yu béléen.’ Ni se yóm udél hwit Dwata ebéléem.”

Tekang Kbuten 19:37

Tikóng mngà yóm twogu ne logi yóm ngaen, yó boluyen du Muab. Du se gónó le gu semfu yóm kdéen tau Muab ni kmoen ni.

Tekang Kbuten 19:38

Ominen bud mngà logi se kun yóm twoli, yó boluyen du Binami. Du se kul gónó gu semfu yó kem tau Amunayt ni kmoen ni.