Kem Lingón 83:4 - Udél Dwata: Gna Kesfasad ne Lomi Kesfasad

⁴ Yó udél le, “Géhél ye ne, sulék gotu genlà tekuy yóm kdéen tau Israél anì laen dù bud hemdem du ne yóm boluy Israél yó.”

Kem Lingón 83:4 Referans Kwoze

Kem Lingón 74:8

Yó hendem le, “Gotu genlà tekuy lu.” Duhen yó, deng gotu ntem le yóm kdê gónô gónó me gel tmaba ebéléem bè benwu Israél.

Danyél 7:25

Tey sidek udélen eta yóm Hol Geta ne ket kdawen tendo hmayam kul yó kem kun tau. Tô tenlesen yóm kul kdaw gel kehligal tmaba ebè Dwata dalang se yó kem hlau Dwata gel lolò le. Tódô na bayà Dwata lu béléen lem yóm tlu halay sóól.

Kehewà 1:10

Ke wen hohon mit sgida bélê tekuy, tódô le mung bélê le ne gnida le tekuy, omin le yó lemwót hewà bè nim benwu tekuy ni. Yake mebel tekuy lan anì là hol le bud mból ni kem tau ni.”

Jirimaya 31:36

“Yóm igoen tolo wen benwu là kô le lana se kul yó kem tau Israél.

Kem Udél Hlalak Tehe Selumun 1:12

Na tekuy e kento hmatay kul, bê tekuy nmò mowil bélê le.

Kul Nmò 4:17

Yake olo tekuy tódô hendlà mólów kul anì là bud tulón le du yóm boluy Jisas balù kihu tau, anì là senflósen mból yóm gel tolok le ni.”

Juswa 9:2

Yó nmò ni kem tau hol geta ni, gotu le setgel yóm kdê le anì gnida le Juswa ne yó kem tau Israél. Okóm yó kem tau bè Gibyun tau le Hibayt se kul, bè yóm kungol le du yóm deng nmò Juswa bè Jiriku ne bè Ay

Nihimaya 4:2

lem blóng yó kem dumuhen ne lem blóng yó kem genlal bè yó kem sendalù lemwót bè Samarya. Yó udélen eta me, monen, “Tedum tô hendem nmò le ni kem Ju laen dù genbek ni? Mone tô hdà le kô yóm beng botu hmilol yóm syudad le? Yó kô hendem le mlan bè yóm gel kedsù le ebè Dwata tódô deng le sendaw yóm nmò le? Gbek le hemdà beng botu kô lemwót bè yó kem lusok botu deng lan ofi?”