Kem Lingón 83:10 - Udél Dwata: Gna Kesfasad ne Lomi Kesfasad

¹⁰ Deng genlaem lu bè benwu Indor, gotu le lagas bè yó mò habù tonok.

Kem Lingón 83:10 Referans Kwoze

Sifanaya 1:17

Lemwót bè yóm deng kegsalà le béléu yó kem dou tau, lómó kmou kul, lómón ke lu yóm tau butô, sónmoen migóf mebel lanen. Angat tódô dmanag lem kfung yóm litô le ne yóm lówó le tódô lagas te tonok.”

1 Samwél 28:7

Ne yó mon Sol bè yó kem tóbóng lówóhen, “Mebel ye do libun mton bù anì mógówe ebéléen naw e smólók béléen ke tedu nmou.” Ne yó balà le du yó kem tóbóng lówóhen, mon le, “Wen sotu libun mton bù nô bè Indor.”

Kmukum 4:15

Tikóng le mundug le Barak, ya tey kehlangaf Dwata ke Sisira dalang se yó kem sendalù mit klitunen ne yó kem dumu sendaluen. Tódô kmó ta klitunen Sisira ne lemwót mlóy.

Kmukum 4:16

Gotu ktes Barak yó kem kudà Sisira mit klitun ne yó kem sendaluen etu bè Harusét, yóm syudad gónó le nô yó kem tau Kanan. Tódô kdê yó kem sendalù Sisira gotu hnatay le lu. Balù sotu ke wen mowil bélê le.

Kmukum 5:21

Yóm Él Kisun, tódô dmunuk ne gotu le konul le Sisira. Konul le bè yóm tey kdunuk Él Kisun. Okóm dou, tódóe hekteng ne hfólu nawahu.

Kmukum 7:25

Kenfô le yóm lewu kem tau hol geta bè yó kem tau Midyan. Yó boluy le Urib ne Sib. Lemwót ke Urib kun, hnatay le bè yóm sotu botu hlós boluy le du Botu Urib. Lemwót ke Sib kun, fen hnatay le bè yóm gónó le gel kemmes él grép ne hlós boluy le du Sib. Tódô henlós le kemtes yó kem tau Midyan. Kogolen bè yó nwit le ebè Gidyun kulu le Urib ne Sib ditu bè kilil Él Jurdan.