Kem Lingón 82:8 - Udél Dwata: Gna Kesfasad ne Lomi Kesfasad

⁸ Ó Dwata, hgéhéli ne, nem e knukum yóm kdéen tau te tonok, abay se kdéen benwu talak tonok, hono kóm funen.

Kem Lingón 82:8 Referans Kwoze

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”

Kem Lingón 2:8

Mnihi béléu dé anì blayu kóm yóm kdéen benwu talak tonok. Angat kóm funen yóm klamangen.

Kem Lingón 96:13

sok kól Dwata mò kmamal yóm klamangen. Angat tey tedeng yóm kkamalen kdéen tau, laen kô dù mtukul nfihen.

Kem Lingón 22:28

Dwata se yóm hol dandónen geta, gotu knamalen klamangen benwu.

Kem Lingón 102:13

Angati mdà nam e knodu Jirusalim, ne ni se yóm kdaw bang kmodu du, ni se yóm kdaw deng fasadem nam e któbóng du.

Sifanaya 3:8

Duhen yó, yó bud udél Dwata, monen, “Yó gónóm mon kem dou tau, nangat ye yóm kdawu mdà bè gónô skukum naw e klamo yó kem tau mò sidek bè ket benwu. Yó deng atulu, angat gotu sentifunu lu yóm kdéen benwu talak tonok, anì sulék koku ebélê le yóm sidek kebutu kul. Yóm kebutu kul yó, hol lómón ke ofi angat sulék kenen yóm klamangen.”

Mika 7:7

Okóm béléu do, són bè Dwata gónów htóbóng. Là kóen megewu nawahu du yóm angat kehewaen dou. Gel hnungolen ou yóm dou Dwata.

Kem Lingón 44:26

Yó ne, Dwata, géhél tnóbóngem mi. Lemwót bè yóm là konolen yóm kbong nawahem kum, géhél lenwaem mi.

Kem Lingón 12:5

Yó balà Dwata kul, monen, “Deng tonu yóm alì klunog le yó kem tau laen dù gmò le. Deng gungolu dolong yó kem tau élél hnayam le. Duhen yó, lemwóte naw e lenwà lu, ni se yóm tendo hendeen le béléu.”

Kem Lingón 7:6

Ó Dwata, hekmóni, géhéli lemwót, mung du lebutem. Senfatayem yó kem hohonu alì sidek kebut le dou. Géhéli lemwót, Dwata, nwitem yóm kukum tedeng.

Kem Lingón 76:10

Yóm kebut le kóm yó kem tau, yó se sotu hol gónóm megdóyón. Yóm kebut le kóm yó, mò sudengem tmafak tau.

Kem Lingón 94:2

Uu se fen kmukum yóm kdéen tau, géhél nem e knukum yó kem tau hegmón. Kukumem kul yóm tafak geblà bè yóm deng nmò le.