Kem Lingón 82:1 - Udél Dwata: Gna Kesfasad ne Lomi Kesfasad

¹ Dwata se fen kmukum bè longit, knukumen yó kem tau mogot kukum te tonok.

Kem Lingón 82:1 Referans Kwoze

Kun Snulat Jan 10:35

Na,” mon Jisas, “hónô tngón tekuy yóm deng tehe hsulat Dwata, là kô gbek tekuy bud temles du. Ke deng bnoluy Dwata lu dwata yó kem tau tehe hogoten udélen,

Kem Lingón 58:11

Yó angat mon yó kem tau, “Tahu se, wen ofol blay Dwata kul yó kem tau tedeng kmò le. Bè ktahuhen, Dwata se fen mit du yóm kukum tedeng bè yó kem tau talak tonok.”

Kem Lingón 138:1

Ó Dwata, hotuhu nawahu slamat béléem. Lingónu yó kem lingón dmóyón kóm bè solu yó kem dwata kéng.

Kehewà 18:21

Okóm ni mò tnuen, yake wen tau hulung malak nélékem mò malak yó kem tau. Wen se nélékem mò malak bè lemibu tau ne wen se malak bè lematu tau ne wen se malak bè limu folò tau ne wen se bè sfolò tau. Yó nélékem yó kem tau wen hol klikò le ke Dwata, kem tau hol gsalig ne kem tau là kóen ma filak mò wa nawa.

Kem Lingón 50:1

Mudél yóm Dwata laen dù là gbeken du yóm sana Dwata hol gónó mogot. Tinoken yóm kdéen tau talak tonok lenwóten fi dmata kdaw kól desdef.

Kem Lingón 58:2

Kaem là, sal sigol yóm gel kwit ye, ne són hemsidek tau yóm gel nmò ye, laen kô dù tedeng du.