Kem Lingón 81:8 - Udél Dwata: Gna Kesfasad ne Lomi Kesfasad

⁸ Ó kem dou tau, hnungol ye ou, hol hnungol ye ou nim igou hetgama kuy. Ó kem tau Israél, yake hol ye hmungol dé.

Kem Lingón 81:8 Referans Kwoze

Kem Lingón 50:7

Yó udél Dwata, monen, “Hol hnungol ye ou, kem dou tau, wen udélu ebélê ye. Ou se Dwata yóm hol kuy Dwata. Ni se yó kem duónu kuy, kem tau Israél.

Kun Snulat Jan 3:11

Tódô tulónu kóm ktahuhen,” mon Jisas, “són olo tulón me yóm deng tngón me, ne yóm deng ton me, okóm laen dù bélê ye hemmóyô du.

Isaya 1:19

Ke nimón ye ou angat hyu yóm guta ye bè tonok ye anì tendo wen gel ken ye.

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

1 Jan 5:9

Ke gel hentahu tekuy yó kem deng gtanud yó kem dumu tau, sélét mom tô là hentahu tekuy du ne yóm kun deng gtanud Dwata. Du se gemtanud du yóm hol kngaen ke Jisas.

Kem Lingón 81:13

Okóm tey hyu nawahu ke hnungol le ou yó kem dou tau. Hyu nawahu ke lolò le yóm dou lan.

Kul Nmò 20:21

Yó gel monu mò yó kem Ju dalang se yó kem tau là Ju le, monu, ‘Hol ye hegsel ne knogol ye ne yó kem sidek gel nmò ye, beklil ye ebè Dwata ne, ne hemtahu ye bè Jisas, yóm hol gónó mogot.’

Dwata 32:46

“Hol sù ye lem hendem ye yóm kdê udél Dwata toloku kuy kemdaw ni. Hol gel sensulit ye tmulón du bè yó kem ngà ye anì hol le hteneb mimón du.

Dwata 5:27

Duhen ni, Musis, budi mulék ebè Dwata ne hol hnungolem yóm kdê tulónen kóm, yóm sana kut Dwata hol gónó mogot. Ominem bud mulék ebélê me ne tulónem kum yóm kdê tulónen kóm. Hnungol me uu ne nimón me.’

Kehewà 17:7

Yó hlós boluy le du yóm benwu yó Masa ne Miriba abay se sónmò le tmalaw yó kem tau ne tnilów le Dwata yóm kmon le du, “Nô bélê tekuy Dwata kô ni, duhen ke là?”

Kehewà 19:16

Timbow hlafus bè yóm getluhen kdaw, tódô lemték ne smilà ne wen tey lobun mfól gfan te yóm bulul yó ne gungol le se yóm tey uni féw. Tódô kdê yó kem tau nô bè kamfù gotu le likò, botong setbol kkel le.

Lista 20:13

Nim ksel kem tau Israél ke Dwata ni, nô le bè yóm benwu boluyen Miriba yóm benwu gónó Dwata hegfan du bélê le yóm klaen dù belenen.