Kem Lingón 81:5 - Udél Dwata: Gna Kesfasad ne Lomi Kesfasad

⁵ Tehe nmoen nim ni bè yó kem tau Israél bè yóm kdaw tehe kundugen ebè Idyip nan e kehewà tekuy. Wen udél gungolu, yóm là deng hnikót tngónu du, yó monen,

Kem Lingón 81:5 Referans Kwoze

Kem Lingón 114:1

Timbow tebel yó kem tau Israél yóm benwu Idyip, tikóng tebel yó kem sfu Jakub yóm benwu là kul du yó,

Dwata 28:49

Angat wen sotu but tau hwit Dwata ebélê ye lemwót bè yóm benwu bè hol són tonok mò gmida kuy, yóm benwu là deng kuy hnikót tngón du udél le. Yóm kmò le kuy, hol lómón ke semkot kemfô yóm banug.

Kem Lingón 77:15

Deng tehe nsokem yó kem kóm tau lemwót bè yóm tey kekgisem, lu se yó kem tau sfu tehe Jakub ne sfu tehe Jusif.

Isaya 28:11

Duhen yó, mon Isaya, ke là móyô ye hmungol do, wen lan Dwata hdalang kuy hlanen bè yó kem tólóng tau bè dumu benwu. Bè kul udél gónó le hdalang kuy, bè yóm udél là deng tngón ye du.

Kehewà 12:27

mon ye mò kul, ‘Ni se yóm kedsù tekuy ebè Dwata bè yóm Kdaw Khius mò gónó tekuy hegfan du yóm kadat tekuy du, abay se tehe niusen yó kem gónô yó kem tau Israél bè Idyip bè yóm khatayen yó kem ngà logi twogu yó kem tau Idyip, okóm fen hlowilen tekuy.’ ” Timbow gungol le yóm udél Musis yó, gotu le mtud bukol yó kem tau Israél, dóyón le Dwata.

Kehewà 12:12

Bè yóm kifu yó angate mógów bè klamangen Idyip naw e hmatay yóm kdéen ngà logi twogu, tau duhen ke ógóf ne tnafaku yó kem dwata lennged gel tnaba le bè Idyip. Ou se yóm Dwata hol gónó mogot mon du nim ni.

Kehewà 11:4

Bè yóm hol són kestulón le Musis Faro, yó mon Musis mò du, “Yó udél yóm sana Dwata hol gónó me mogot, monen, ‘Ke móyón sóól buteng mógówe bè klamangen Idyip

Amus 6:6

Minum ye tifas grép lem tukung ne lunol ye bè lówó ye yóm hboo alì minggel boohen, okóm là kô dog knangag ye du yóm móyón keglà yó kem tau Israél.

Kem Lingón 78:6

anì bud tngón yó kem lugod le, balù yóm ngà là dengen sut he, anì bud lu tmolok du bè yó kem kul ngà.

Kehewà 12:29

Hol sóól buteng se gotu hnatay Dwata yóm kdéen ngà logi twogu yó kem tau Idyip, lenwóten bè ngà Faro, yóm ngaen bud tô temles du, kkólen bè ngà yóm tau knukub le ditu bè gónón kmifu. Dalang se yóm kdéen tanay sut bè yó kem ógóf le gotu matay.