Kem Lingón 81:3 - Udél Dwata: Gna Kesfasad ne Lomi Kesfasad

³ Huni ye yóm féw bè yóm gel kehligal ye bè yóm lomi bulón, ne bè yóm bulón tngel.

Kem Lingón 81:3 Referans Kwoze

2 Tutul Israél 2:4

Móyón hdau ne yóm Gónô Dwata mò mit yóm kun boluy, yóm sana dou Dwata hol gónó mogot. Hetfing me ebéléen yóm gónô yó mò gónó me mtem insinsu mò hboo me ebéléen, ne mò gónó me hmasà du ebéléen yóm mambang gel blay me du. Bè yó snéen gónó me demsù ebéléen yó kem dsù hkekeb me ebéléen ket hlafus ne ket kimel, dalang se yóm dsù me bè Kdaw Kehegnô, ne bè yóm kdaw kehligal me bè lomi bulón, ne bè yó kem dumu kdaw gel kehligal me deng hmò Dwata kum yóm sana kum Dwata hol gónó mogot. Deng kehloloen yó kem tau Israél nim ni, ne laen kô dù tul sónen yóm kehloloen du kul.

2 Tutul Israél 13:14

Tikóng le beklil yó kem sendalù Juda, ton le deng snibut le lu. Omin le hkodu bè Dwata yó kem sendalù Juda, ne gotu le mféw se yó kem tau gel blóng ebè Dwata.

2 Tutul Israél 13:12

Ngem, Dwata se nô bélê me. Du se malak kum. Yó kem tau gel blóng me ebéléen gotu le mféw, nalak le mi gmida kuy. Ó kem tau Israél, bê ye nwit sfatay Dwata yóm Dwata yó kem tehe fù ye, abay se là kô ye na a gemmò.”

2 Tutul Israél 5:12

Yó kem sfu Libay hulung semngal, le Asaf ne Himan ne Jidutun, ne kem ngà le logi ne kem dumu le setwoli logi, gotu le mnes bukay tahà, mdà le fi dmata kdaw bè kilil yóm gónó le gel demsù, sendofì le yó kem simbal nogot le, ne huni le yóm lewu kay kenbit le. Slomong bélê le yóm lematu lewu folò kem tau blóng ebè Dwata fen mféw.

1 Tutul Israél 16:42

Himan ne Jidutun fen huni yó kem féw ne semdofì yó kem simbal ne yó kem dumu nuni le mung bè yó kem sngal dmóyón ke Dwata. Yó kem ngà Jidutun logi fen nélék Dabid mò mentey yó kem bak tikeb gónón nô yóm Slungan Dwata.

1 Tutul Israél 16:6

Yó gel mféw, le Binaya lewu le Jahasayél kem tau gel blóng ebè Dwata. Ket kdaw le mféw bè solu yóm Slungan Dwata, bede lolò le bè yóm uras le gel mò du.

2 Bok Kem Tau Hol Geta 4:23

Yó monen mò du yóm tuha logihen, “Moen du ke hol kemdaw ni kógówem igoen sundu ni du yóm kdaw kehegnô, duhen ke kdaw kehligal bè yóm lomi bulón?” Okóm yó balaen ke tuha logihen, monen, “Kihu se.”

Kulasi 2:16

Duhen yó, hol bê ye abay hnungol ke dê hlii le kuy bè ken ne bè ninum, ne ke dê hlolò le kuy bè yó kem dumu kdaw, ne bè ksut yóm lomi bulón, ne bè yóm Kdaw Kehegnô.

Nahum 1:15

Tengel ye dé, wen tau sut gu lem bulul mit tulón hyu. Yó tulónen bud menek kebenwu ye kun. Ó kem tau bè Juda, bud nmò ye dé yó kem dê gel hnigal ye ne dnohò ye yó kem deng fasad ye ke Dwata, abay se yó kem tau Ninibi hmohon kuy yó, là bud nled le du ne benwu ye. Deng le gotu sulék meglà.

Kem Lingón 98:6

Dóyón tekuy mlan bè yó kem féw, mlan bè yóm féw nmò le lemwót bè hanga safì. Hol tekuy hligal mensag bè solu Dwata yóm Hol Geta.

2 Tutul Israél 8:13

Loloen yóm tehe hedsù Musis kul bè yóm Kdaw Kehegnô, ne bè yóm kdaw ksut lomi bulón, ne bè yóm tlu gel hnigal le ket halay, duhen yóm Kehligal bè Kdaw Khius, ne Kehligal muta ne Kehligal bè Slung.

Kem Lingón 33:2

Hol ye slamat bè Dwata mlan bè yóm gel kenbit ye. Hol ye semngal ebéléen, hmung ye bè yó kem dumu bud gel kenbit ye.

Kem Lingón 149:3

Hol dóyón ye boluyen mlan bè kadal ye, hmung ye bè yóm tamburin gel nuni ye ne bè yó kem gel kenbit ye.