Kem Lingón 81:12 - Udél Dwata: Gna Kesfasad ne Lomi Kesfasad

¹² Duhen yó, tódô bayau kul ne yóm kgel kulu le yó anì lolò le yóm kul knóyô.

Kem Lingón 81:12 Referans Kwoze

Jirimaya 7:24

Okóm yó kem tehe fù ye yó, là kô hnungol le dou ne là se kô kenmón le do. Deng mom yó nmò le yóm sidek lemwót bè yóm kgel kulu le ne yó kem sidek gel nô bè nawa le. Són moen temnù yóm ksidek nmò le, deng lana yóm hyu tehe tonu bélê le.

Sulat Pol Ebè Yó Kem Tau Hemtahu Bè Rom 1:24

Yó gónóm mon, tódô bayà Dwata lu. Là bud hensengen du balù kihu sidek kul knóyô lówó, ne nmò le bè kem dumu le yóm nmò alì kenyak.

Isaya 30:1

Ni se deng udél Dwata, monen, “Deng le gotu golu elem hatay ne yó kem tau malak bè Juda lemwót bè yóm kkogol le do. Tódô lolò le yóm atul là lemwóten béléu. Sundu dou kóyô du yóm gel senkotuk le bè dumu benwu. Lemwót bè yóm nmò le yó tendo temnù yóm salà deng gel nmò le.

Kul Nmò 7:42

Yó gónó Dwata kmogol kul. Lemwót bè yóm kbayaen kul, deng mom yó baling hentahu le yó kem blotik. Lu se gónón e gbak yóm tehe hsulat Dwata yóm sotu tehe gna tugoden, yóm monen, ‘Yu kem tau Israél,’ mon Dwata, ‘bè yóm fat folò halay ye nô bè yóm benwu là hyu menwu du, tey ógóf wen hnatay ye mò dsù ye, okóm là kô ebéléu du gónó ye e mò du.

Kul Nmò 14:16

Bè yóm tehe yu ekni,” mon Pol, “tódô bayà Dwata yó kem tau te tonok, balù kihu kul knóyô nmò.

Tekang Kbuten 6:3

Yó gónó Dwata mudél, monen, “Là bude móyô ne ke henlósu htahà klowil le yó kem tau, yakà olo le tau te tonok. Lenwóten ni ne, laen dù bélê le ke gulé bè 120 halayen.”

Kehewà 11:9

Deng tehe mon Dwata mò ke Musis, “Là kô hnungol Faro kóm anì yó, bud gmou bè Idyip yó kem dumu hentaw ton.”

1 Samwél 8:19

Okóm là kô hnungol le ke Samwél yó kem tau deng mom yó mon le, “Là. Yó hol kóyô me ke wen yóm tau hol geta mogot kum

2 Bok Kem Tau Hol Geta 18:12

Ni se gfà yó kem tau Israél lemwót bè yóm là kimón le du yóm sana kul Dwata hol gónó mogot, deng mom nulé le yóm tehe kesfasad le Dwata, là bud lolò le du yó kem tehe hlolò Musis kul yóm tau tóbóng lówó Dwata. Là kô bud hnungol le du, ne là se kô nimón le du.

Nihimaya 9:16

Okóm yó kem tehe fù me yó deng le mom heklabak, mgel kulu le, là kô nimón le du yó kem hlauhem kul.

Isaya 30:9

Tódô senflós le kmogol ke Dwata, tódô senflós le mò kéng, tódô senflós le kembê du yóm kun tolok.

Isaya 42:24

Tngón ye kô, tau du bemlay tekuy kem tau Israél elem tdok yó kem tau megef tekuy? Dwata se mò du yóm yó lan tekuy là mimón du. Là lolò tekuy du yóm kóyóen bélê tekuy ne là nimón tekuy du yóm toloken.

Jirimaya 42:21

Nim kemdaw ni deng gotu tulónu kuy se yóm hol udélen ebélê ye yóm sana kut Dwata hol gónó mogot, okóm là kô nimón ye du. Yóm là kimón ye nim kmoen ni, hol mkél bè yóm tehe gna là kimón ye.