Kem Lingón 81:11 - Udél Dwata: Gna Kesfasad ne Lomi Kesfasad

¹¹ Okóm là, là kô dog hnungol le dou yó kem dou tau. Là kô dog kenmón le dou yó kem tau Israél.

Kem Lingón 81:11 Referans Kwoze

Dwata 32:18

Botong klifót le yóm kul Dwata yóm mà le, yóm là monol nawahen ebélê le, yóm deng hlowil kul.

Kem Udél Hlalak Tehe Selumun 1:30

Là móyô ye htolok ne là se kenmón ye du yóm dou kbólów kuy.

Dwata 32:15

Yó kem tau Dwata, deng le gotu baling tau mdengen. Okóm deng mom kenbê le Dwata. Gotu le mabù, mo le mom hemnobò lan le alì mken. Deng knogol le Dwata, yóm tehe mifil kul. Kenbê le Dwata, yóm hol gembek lemwà kul.

Kehewà 32:1

Timbow ton yó kem tau Israél yóm là géhél kosol Musis gu ta yóm bulul gotu le stifun klohok Aron, mon le mò du, “Là kô tngón me du ke tedu gefet bè Musis yóm tau mit tekuy hewà gu bè Idyip. Yó hyu ke moi bélê me yó kem dwata lennged mò malak tekuy.”

Hibru 10:29

Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.

Sikaraya 7:11

Yó kem tehe fù ye ekni, là kô hnungol le du yóm udélu ni. Tey kehgel le kulu le, mom nseng le klingu le anì là gungol le du.

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Kehewà 16:6

Tahu se, tulón Musis ne Aron bè yó kem tau Israél nim ni, mon le mò kul, “Bè nim móyón kkifuhen ni, tódô tngón ye yóm sana kuy Dwata hol gónó mogot, yóm deng hewà kuy gu bè Idyip.

Kehewà 20:2

“Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye tehe ghesek.

Dwata 5:6

‘Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye ghesek.

2 Bok Kem Tau Hol Geta 4:3

Yó bud mon Ilaysa mò du, “Mógówi ebè yó kem dumum sebét, mdómi bélê le sobuy laen dù lem le balù kihu kwenen.

Kun Snulat Luk 11:25

Bè yóm bud kesfuléken yó, tódô tonen mólós ne minggel kestifesen yóm tehe gónóhen nô yó.