Kem Lingón 81:10 - Udél Dwata: Gna Kesfasad ne Lomi Kesfasad

¹⁰ Yakà ou du yóm sana kuy Dwata hol gónó mogot, yóm deng lemwà kuy gu bè benwu Idyip. Hol ye mnanga anì naw hol henken yu.

Kem Lingón 81:10 Referans Kwoze

Kun Snulat Jan 15:7

Okóm ke henek ye béléu ne ke tendo nô bè nawa ye udélu, balù kihu hni ye bè Dwata guta ye.

Kem Lingón 107:9

Hegsengelen nawa yó kem meeng, ne hegtuhen yó kem bitil bè yó kem hyu deng blayen kul.

Kehewà 20:2

“Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye tehe ghesek.

Kun Snulat Jan 7:37

Bè yóm kmò le ken yó, alì bong muhen bélê le yóm hol són kdaw. Bè yóm kdaw yó, mdà lem blóng le Jisas, hgelen udélen, monen, “Yóm tau meeng, mógów ebéléu dé nan e minum.

Deng Hegfan 21:6

Ne bud monen mò do, “Deng gotu deng ne kdéen. Ou se yóm hol buten ne bud sónen. Bud ou se yóm gónón mbut yóm kdéen, ne ou se yóm bud mò sónen. Yóm tau meeng, angat hinumu bè yóm tbul él gónón mowil tau, yóm él là kô feng benli du.

Deng Hegfan 22:17

Yó udél yóm Tulus Dwata dalang se yóm libun yehen yóm Ngà Ubiha, mon le, “Géhél ye ne.” Ne yó kem tau mungol du, yake bud mon le kul, “Géhél ye ne.” Géhél le edini ne yó kem tau meeng na le e minum bè yóm él hlowil tau, yóm él là kô feng benli du. Yóm tau móyô, géhél minum ne.

Kun Snulat Jan 16:23

Bè yóm kdaw yó, là bud wen hni ye béléu ne. Tódô tulónu kuy ktahuhen,” mon Jisas, “balù kihu hni ye bè Mà hlan ye bè dou boluy, tódô blayen kuy.

Jirimaya 11:4

Yó tehe senfasad me yó kem tehe fù ye bè yóm kwitu kul hewà gu bè Idyip, yóm benwu gónó le ghesek,’ monu, ‘Ke nimón ye ou ne ke gotu lolò ye yóm kdê hlolou kuy, baling ye mò dou tau ne ou se mò Dwata ye.

Kehewà 20:3

Bê ye abay tmaba ebè yó kem dumu dwata lennged, són ou.

Dwata 5:7

Bê ye abay tmaba ebè yó kem dumu dwata, són ebéléu.

Juswa 24:14

“Ne ni,” mon Juswa, “hol knikò ye Dwata, yóm sana Dwata hol gónó tekuy mogot ne hol hotu ye nawa ye lemolò du. Gotu kó ye yó kem dwata lennged tehe kul gel tnaba yó kem tehe fù ye bè yóm knô le sentu Él Yufratis ne bè Idyip. Olon yóm sana kuy Dwata dé lolò ye.

Juswa 24:23

“Ke tahu se yóm mon ye yó,” mon Juswa, “gotu kó ye sen yó kem dwata lenged nô bélê ye. Ne hol fasad ye ke Dwata yóm klolò ye du yóm sana Dwata hol gónó tekuy mogot kem tau Israél.”