Kem Lingón 81:1 - Udél Dwata: Gna Kesfasad ne Lomi Kesfasad

¹ Hol sngal tekuy yóm sngal dmóyón ke Dwata, yóm gel hekgis tekuy. Semngal tekuy ebè yóm Dwata yóm tehe fù tekuy Jakub.

Kem Lingón 81:1 Referans Kwoze

Kem Lingón 66:1

Yu kem tau bè klamangen benwu, hol ye hligal mensag bè yóm kdóyón ye ke Dwata.

Jirimaya 31:7

Ni bud udél Dwata, monen, “Hligal ye semngal gbak bè yó kem tau Israél. Mensag ye dé bè yóm kdóyón ye kul yó kem tau alì tnóbóng Dwata bè kdéen tau talak tonok. Hgel ye udél ye dmóyón kul, mon ye, ‘Ó Dwata, hol hewaem yó kem tauhem. Hol hewaem yó kem dù tebel bè yó kem tau Israél.’

Kem Lingón 46:11

Nô lem blóng tekuy yóm Dwata laen dù là gbeken du. Du se yóm Dwata tehe Jakub, ne du se gónó tekuy e mlo.

Kem Lingón 8:1

Ó Dwata, yóm hol gónó me mogot, deng tey gfan bè klamangen benwu yóm alì kegeta yóm boluyem Botong gefet ditu ta yó kem longit seglafin yóm tey keslinangem.

Flipay 4:13

Laen dù là gbeku du lemwót bè yóm kfasang Krays béléu.

Kem Lingón 28:7

Dwata yóm gel temgel dou, ne bud du se kemlung dou bè yó kem sidek. Hol lemwót lem but blututu yóm ksaligu du. Tendo tnóbóngen ou, ne ya tey kligalu. Gel utómu lingón yóm kdóyónu du.

Matyu 22:32

‘Ou se sana kul Dwata le Abraham ne Isak ne Jakub.’ Bè yóm udél Dwata yó gónó ye temngón du yóm deng bud kehlowil Dwata kul. Abay se yóm Dwata, du se Dwata yó kem mowil, là bè yó kem là mowilen.”

Kem Lingón 67:4

Yake gotu le hligal semngal yóm kdéen tau bè klamangen benwu, abay se tey tedeng yóm kkukumem kul. Gotu sen-galakem yó kem tau bè ket benwu talak tonok.

Kem Lingón 52:7

“Tenngel ye dé yóm sendalù kemgis là snaligen ke Dwata mò mofin du. Mom snaligen yóm ali kwen kendengenen, ne deng mom temnù kbegelen lanen tendo gemlà yó kem dumuhen.”

Tekang Kbuten 50:17

wen tinoken béléem, yó udélen, monen, ‘Ó Jusif, béem bud snolò ne yóm tey sidek tehe nmò le béléem yó kem twoguhem.’ Ne ni udél me ebéléem, hol hnifótem mi bè yóm tey sidek deng nmò me béléem, mi kem tóbóng lówó Dwata yóm Dwata tehe maem.” Botong mkik Jusif bè yóm kungolen du yóm udél hwit le yó.

Kem Lingón 50:1

Mudél yóm Dwata laen dù là gbeken du yóm sana Dwata hol gónó mogot. Tinoken yóm kdéen tau talak tonok lenwóten fi dmata kdaw kól desdef.