Kem Lingón 80:4 - Udél Dwata: Gna Kesfasad ne Lomi Kesfasad

⁴ Ó Dwata yóm Dwata laen dù là gbeken du, yóm hol gónó me mogot, kegenen de duen yóm là bud kebutem kum anì hnungolem yóm kni me ebéléem?

Kem Lingón 80:4 Referans Kwoze

Kem Lingón 85:5

Laen dù sónen ne kô yóm alì kebutem kum? Là buden teflok ne kô yóm kebutem kum efet kól bè yó kem lugod me?

Kem Lingón 79:5

Ó Dwata, kegenen de yóm kebutem kum? Laen dù tul sónen ne kô? Yóm kélés nawam, kegenen de kkalen lómón kal ofi?

Kem Lingón 74:1

Ó Dwata, moen de ke laen dù tul sónen yóm kekbéem kum? Moen de ke alì lenbutem yó kem kóm ubiha hótób?

Kem Lingón 59:5

Ó Dwata yóm Dwata laen dù là gbeken du, yóm Dwata yó kem tau Israél, hekmóni kut nem e tnafak yó kem tau bè dumu benwu gel mò sidek. Hol béem abay knodu yó kem tau gel smukat.

Kem Lingón 4:7

Wen tey kligal blayem dou mkay senta kligal yó kem tau bong halay tbas le ne bong tifas grép le.

Kem Lingón 31:17

Uu, Dwata gónów htóbóng. Hol hegmoem ou anì laen dù gónóhu myak. Okóm yó kem tau gel mò sidek, hol nmoem gónó le myak. Lusem lu ebè benwu yó kem tau deng matay,

Kem Lingón 60:3

Deng tey kehlayamem kum, mom hinumem kum yóm tifas grép gónó me lengel.

Danyél 9:17

Ne ni Dwata, hol henklinguhem yóm hnihu béléem, ou yóm sotu tau tóbóng lówóhem. Hnungolem nim henkoduhu béléem ni. Bud tenlobem yóm kóm Gónô deng gotu gbà anì tngón yóm kdéen tau hol uu se yóm tahu Dwata.