Kem Lingón 80:2 - Udél Dwata: Gna Kesfasad ne Lomi Kesfasad

² Hol hegfanem bè yó kem sfu Ifraim, ne sfu Bindyamin ne sfu Manasi yóm tey keslinangem. Hol htonem kum yóm kegbekem, géhél lenwaem mi ne.

Kem Lingón 80:2 Referans Kwoze

Kem Lingón 35:23

Hkuóni kut, Dwata. Hol nfihem ou. Knukumem dou nim salà duón le dou ni. Uu se yóm Dwata hol gónóhu mogot.

Isaya 33:22

Ke wen bud mlan bè yó, gotu sidek yó kem htegen, baling laen dù bud muhen. Là bud gbek le mból du yó kem layalen. Yóm kdê kendengen yó kem hohon bè yóm kafal yó, gotu nwa tekuy. Ya tey kwenen, balù yóm tau tugô sana kwen kun nwa. Dwata se yóm hol geta bélê tekuy. Du se hol mogot tekuy ne mofin tekuy.

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Kem Lingón 78:38

Okóm balù yó he, tey kkodu Dwata kul, hnifóten salà le, ne là kô genlaen kul. Tey dê duléken ne mafas du yóm kebuten kul, là hesuten du yóm alì sidek kebuten kul.

1 Samwél 4:4

Tahu se, wen kem tau hógów le ebè Silu mò mangay yóm Slungan Fasad yóm Dwata laen dù là gbeken du, yóm nô lem blóng hafak yó kem hógów Dwata boluy le sirubim. Bè yóm kwit le du yóm Slungan Dwata yó, mung yó kem lewu ngà Ili logi, Hufni ne Finihas.

1 Bok Kem Tau Hol Geta 8:6

Omin yó kem tau gel blóng ebè Dwata mit du ebè Gónô Dwata yóm Slungan Dwata yó, ne ditu hol lem yóm Dfél hol gónón nô Dwata gónó le hemsù du. Sù le laan yóm hafak yóm lewu lenged hógów Dwata deng nmò le, boluyen sirubim.Lemwót yóm ból hafak le, tódô lenimunen yóm Slungan Dwata, ne gomong lenimunen snéen yó kem koyu gónó le tmihang du.

2 Bok Kem Tau Hol Geta 19:15

Mni ebè Dwata Hisikaya, monen, “Ó Dwata yóm Dwata yó kem tau Israél, yóm myón kmamal lem blóng yó kem hógówem boluyen sirubim. Tek són uu se yóm Dwata mogot yó kem kdéen benwu talak tonok. Tek són uu se tehe mò longit ne tonok.

Kem Lingón 50:2

Lenwóten bè Bulul Sayun yóm bulul tódô ket du ktiloben, gónón gfan yóm tey keslinang Dwata.

Kem Lingón 99:1

Dwata se yóm Hol Geta. Hol le gotu kenkel yóm kdéen tau. Myón bè yóm gónón kmamal bè gónón sóól yó kem hógówen boluyen sirubim. Hol megsinsig yóm klamangen tonok.