Kem Lingón 8:6 - Udél Dwata: Gna Kesfasad ne Lomi Kesfasad

⁶ Deng gotu sigangem tahen yóm kentihen

Kem Lingón 8:6 Referans Kwoze

Tekang Kbuten 1:28

Ne wen oluhen kul, monen, “Hol ye mból anì tódô tfeng klamangen benwu yó kem angat lugod ye mò kmamal du. Hogotu kuy kentihen mowil lem él ne kentihen gel móyóng te kmawang ne kentihen ógóf nô talak tonok.

Tekang Kbuten 1:26

Ne yó bud mon Dwata, “Mò tekuy tau dé, mkél bélê tekuy mò mogot yó kem kentihen mowil lem él, ne kentihen móyóng te kmawang ne kentihen kay ógóf, kem ógóf mò tnomò ne kem ógóf nô lem bnes, kewóten bè yó kem lebangen kkólen bè yó kem leneken.”

Hibru 2:8

ne tódô gotu hkemem kul kdéen.” Bè yóm kehkem Dwata du yó kem tau yóm kdéen, laen kô dù bud tebel du. Bede là tagad ton tekuy du he yóm kehkemen du kul ni kmoen ni.

Ifisus 1:22

Deng gotu hkamal Dwata ke Krays yóm kentihen. Ne du nmò Dwata mò hol gónó mogot yóm kdéen yó kem tau hemtahu béléen.

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Kem Lingón 110:1

Yó udél Dwata bè yóm gónóhu mogot, monen, “Myóni bè ni bè kwananu efet gotu heglaanu lu bè soluhem yó kem hohonem, lómón ke nmou lu mò gónóm hmótól tihem.”

Tekang Kbuten 9:2

Hogotu kuy kentihen ógóf ne kentihen onuk koyu ne kentihen utón él. Nbuten ni ne, yóm kdê le yó, wen klikò le kuy.

1 Pitér 3:22

Ne ni kmoen ni deng nô bè longit ne Jisas, myón fi bè kwanan Dwata mò ilô yóm kehkamal Dwata du du yóm kdéen hógów Dwata gu bè longit, ne kdê yó kem dumu mtulus wen kwalis le ne wen kfasang le bè yó bè longit.

Hibru 1:2

Okóm tólóng ni kmoen ni. Yóm kudél Dwata ebélê tekuy, deng hlanen bè yóm Ngaen. Yóm Ngaen yó, du se yóm deng fen hedlimunen yóm kentihen, ne deng néléken mò angat mfun du snéen.