Kem Lingón 8:5 - Udél Dwata: Gna Kesfasad ne Lomi Kesfasad

⁵ Bè yóm tehe kifilem tau, tek udì yóm gónóm là hsenged du béléem. Deng tey kehegetahem du, ne tey kadatem du.

Kem Lingón 8:5 Referans Kwoze

Hibru 2:7

Deng hlun heglaanem lu bè yó kem gel hógówem gu bè longit. Tehe oluhem kul yóm kegeta le, ne yóm kadat le kul,

Hibru 2:9

Okóm deng ton tekuy Jisas. Bè yóm tehe knóen te tonok, hlun heglaan Dwata bè yó kem gel hógówen gu bè longit anì fen na a matay bè kdéen tau. Yó se mò lan Dwata tmóbóng kul. Okóm ni kmoen ni, deng ton tekuy yóm tey kehegeta Dwata du, ne yóm tey kadat le du lemwót bè yóm keglayamen bè yóm katayen bélê tekuy.

Hibru 2:16

Bè yóm tehe katay Jisas, sundu yó du tnóbóngen ke mone yó kem gel hógów Dwata gu bè longit. Kaem tau yóm tnóbóngen, hol lómón yóm monen bè Sulat Dwata, yóm monen, “Tnóbóngen yó kem tau semfu gu bè yóm tehe Abraham.”

Ifisus 1:21

Són Krays gónó le mogot yóm kdê deng wen hfogot Dwata kul, yó kem wen kwalis le ne wen kfasang le ne wen glal le. Yóm boluy Krays, laen kô dumu boluy tótól semnged du nim kmoen ni ne balù yóm elem hulihen kdaw.

Kem Lingón 103:4

Tendo gel hensengen yó kem gel tô hatayu. Gel tnóbóngen ou mlan bè yóm kbong nawahen do ne yóm kkoduhen do.

Tekang Kbuten 2:7

Bè yóm tehe kmò Dwata tau, wen tonok nwahen ne nifilen, henbalingen tau. Ominen myuf lem ilungen yóm nawa mò hlowil du ne tódô mnawa se yóm tau nifilen yó ne sen-gengen se mowil.

Kem Lingón 103:20

Hol dóyón ye Dwata, yu kem alì kemgis ne alì gembek gel hógówen gu bè longit. Yu se yó kem tendo gel mimón du ke wen dóken, ne tendo gel hmungol du ke wen monen.

Kem Lingón 45:6

Yóm gónóm myón kmamal, laen dù tul sónen yóm deng keblay Dwata du kóm. Tey tedeng yóm kogotem yó kem kóm tau.

2 Samwél 14:29

Omin Absalum hangay ke Juab mò blóngen ebè yóm tau hol geta, okóm là kóen mógów ebéléen Juab. Bè gewuhen dulék bud hangayen, bud senged là kóen mógów ebéléen Juab.

Kem Lingón 144:3

Ó Dwata, olo me tau matay se kum, ewenem sana ketngónem kum. Olo me tau tonok, ewenem sana kehedemem kum.