Kem Lingón 8:4 - Udél Dwata: Gna Kesfasad ne Lomi Kesfasad

⁴ Ke hendemu yóm deng nmoem yó, le hilu he kun yó kem olo tau tonok. Kiholen yóm tey nawahem ebélê le.

Kem Lingón 8:4 Referans Kwoze

Kem Lingón 144:3

Ó Dwata, olo me tau matay se kum, ewenem sana ketngónem kum. Olo me tau tonok, ewenem sana kehedemem kum.

Kem Lingón 146:3

Hol béem ken-gel nawa yó kem tau mogot benwu. Laen dù bélê le ke gembek lemwà kóm.

2 Tutul Israél 6:18

Okóm Dwata, gbekem kô nô dini talak tonok? Hol mou kun ne anì sem longit du, yóm longit hol geta, là kói kóyów du. Sélét mom ni nem Gónô deng hdau béléem ni tô gónóm kóyów.

Kun Snulat Luk 1:68

“Hol dóyón tekuy Dwata, yóm gónó tekuy mogot yóm kdê tekuy kem tau Israél. Yakà deng bud tnóbóngen tekuy kem kun tau, ne deng lenwaen tekuy.

Matyu 8:20

Mom yó balà Jisas du, monen, “Wen lefunges kul gel nulék yó kem bolos, ne mdengen kul sala yó kem onuk koyu, okóm yóm Ngà Tau, laen dù mdengen gónóhen hegnô.”

Kem Lingón 80:17

Hol hlowilem mi kem tau deng nélékem, ne nofinem mi. Yakà mi du yó kem tau tehe hekgisem.

Kem Lingón 106:4

Ó Dwata, hentulón nawam se ou ke deng bangem tmóbóng yó kem tauhem. Ke lenwaem lu, lenwaem se ou,

Tekang Kbuten 21:1

Ne deng nmò Dwata yóm deng fasaden ke Sara

Isaya 40:17

Bè kton Dwata du yóm klamangen benwu, tey utì béléen.

Kun Snulat Luk 19:44

Angat gotu genbà le yó kem gónô ye, ne gomong ye meglà yu kem tau nô lemen. Yó kem beng botu ye, gotu lenusok le. Yó gónó ye angat gmumfak du yóm yó,” monen, “abay se là dog kenmón ye du yóm deng ksut Dwata lem blóng ye mò lemwà kuy.”

Kem Lingón 4:2

Yu kem tau hmohon dou, kmò kegenen de yóm tendo kudél ye sidek etahu? Kegenen de yóm tendo ktifù ye dou là tahuhen? Kegenen de yóm tendo kmò ye kéng?

Kehewà 4:31

Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.

Tekang Kbuten 1:1

Bè yóm hol tekang kbuten, dlimun Dwata longit ne tonok.

Tekang Kbuten 1:14

Omin Dwata bud mon du, “Dlimunu yó kem mnóng bè longit mò semtólóng yóm kdaw bè yóm kifu, ne mò gónó milô yóm sendaw ne yóm sfalay ne yóm bulón kmò hulu.

Tekang Kbuten 19:35

Tahu se, bè yóm kifu yó bud hlengel le mà le, ne ominen semtungô du yóm ngaen twoli. Lemwót bè yóm tey klengel mà le, yó bud gónón là temngón du yóm nmoen.

Kem Lingón 19:2

Tódô ket gel kwasen, lómón ke tendo heglalagen yóm kegeta Dwata. Ne ket kkifuhen, lómón ke bud sensuliten heglalag du yóm tey kegetahen.

Kem Lingón 96:5

Yó kem kul dwata yó kem tau bè dumu benwu, hono dwata lenbù nmò le. Okóm yóm kut Dwata, du se tehe dmimun du yó kem longit seglafin.

Kem Lingón 136:5

Hol dóyón tekuy Dwata, lemwót bè yóm kun khulung gónón mò du yóm longit. Laen kô tul sónen yóm kbong nawahen tekuy là monolen.

Kem Lingón 136:9

Nmoen yóm bulón ne yó kem blotik mò mnóng ke kifu. Laen kô dù tul sónen yóm kbong nawahen tekuy là monolen.