Kem Lingón 8:3 - Udél Dwata: Gna Kesfasad ne Lomi Kesfasad

³ Ke gele lengalà ebè longit yóm deng tehe nmoem, tonu yóm bulón ne yó kem blotik deng eles mdengen gónóm hemsù kul.

Kem Lingón 8:3 Referans Kwoze

Tekang Kbuten 1:1

Bè yóm hol tekang kbuten, dlimun Dwata longit ne tonok.

Kem Lingón 33:6

Yóm tehe kedlimun Dwata yó kem longit seglafin, tódô lemwót bè udélen. Bud lemwót bè udélen snéen yóm tehe kedlimunen yóm kdaw ne bulón ne yó kem blotik.

Kem Lingón 111:2

Tey hentaw yó kem gel nmò Dwata. Yake hol hendem le yó kem tau wen kligal le bè Dwata.

Kem Lingón 104:19

Deng nmoem yóm bulón mò gónó me temngón du yóm sbulón. Ne deng nmoem se yóm kdaw, tódô tngónen gel kesdefen.

Kem Lingón 89:11

Kóm funen yóm klamangen longit, ne bud kóm funen snéen yóm klamangen tonok. Uu se tehe mò du yóm klamangen benwu, ne gotu nmoem snéen yóm kdéen nô tahen.

Sulat Pol Ebè Yó Kem Tau Hemtahu Bè Rom 1:20

Lemwót bè yóm tehe kedlimun Dwata benwu efet nim kmoen ni, deng eles wen ne lan tau gmileb du yóm Dwata, balù yóm là kton le du lem uyóhen. Yó gónó le gmileb du, duhen bè yó se kem deng dlimunen. Bè yó gónó le mton du yóm tey kegbek laen kô dù tul sónen, ne yóm hol keDwatahen. Yó gónóm mon, laen kô dù lasun tau là temngón ke Dwata.

Kun Snulat Luk 11:20

Tódô lemwót bè yóm kehtulus Dwata do yóm kegbeku hdó busaw. Ne ni se gónó ye temngón du yóm deng kkólen lem blóng ye yóm kogot Dwata tau.

Kehewà 8:19

ne yó mon yó kem tau demwata bè Faro, “Dwata se mò du nim ni.” Okóm sana tolo tey kgel kulu Faro. Là kô nan e hnungol kul le Musis ne Aron, hol lómón yóm deng mon Dwata.

Dwata 4:19

Ke gel ye temngel etta bè longit ne ton ye kdaw ne bulón ne yó kem blotik, hol ye temgama anì là tmaba ye ebélê le. Ni kem gel ton ye ni, deng tódô bayà Dwata lu ebè yó kem tólóng tau bè dumu benwu mò gónó le tmaba se kul.

Kehewà 31:18

Timbow deng kudél Dwata ebè Musis ditu ta tfusù yóm Bulul Sinay, ominen bemlay du ke Musis yóm lewu botu kufil gónóhen deng smulat yó kem sfolò hlauhen kul. Tódô Dwata smulat du yó kem hlau yó.

Kem Lingón 148:3

Balù yóm kdaw ne bulón ne yó kem blotik gel kemnit bè longit, hol gel dóyón ye Dwata se kuy.

Kem Lingón 19:1

Tódô dilô bè kdéen ton bè longit yóm kegeta Dwata. Tey mtukul kegfanen yóm deng gendeng Dwata.