Kem Lingón 8:2 - Udél Dwata: Gna Kesfasad ne Lomi Kesfasad

² Gbót dóyón le uu yó kem ngà lemnek kkólen bè yó kem ngà tolo hebon. Mlan bè yóm kul kdóyón kóm gónóm hemseng yó kem tau gel hmohon kóm. Laen kô dù gmò le béléem.

Kem Lingón 8:2 Referans Kwoze

Matyu 21:16

Mudél le ebè Jisas yó kem tau lembut du yó koni, mon le, “Gungolem kô udél tu kem ngà?” Mon Jisas se, “Gungolu se.” Ne bud monen, “Là deng gesfala ye du kô yóm sotu tulónen bè Sulat Dwata, yóm monen, ‘Ó Dwata, balù yó kem ngà kólen bè yó kem ngà tolo hebón, deng tolokem lu anì hol tódô yóm kdóyón le kóm.’ ”

Isaya 40:31

Okóm yó kem tau són ken-gel nawa le yóm któbóng Dwata kul, tódô senflós Dwata tendo hulék kgis le. Hol lómó angat kmò le lómón yóm klinggel kóyóng yó kem banug. Ke mlóy le, là kô le mahil mubas. Ke tmonok le, là kô le mahil miteg.

Kem Lingón 46:10

Yó udélen, monen, “Henek ye ne anì tngón ye ou se Dwata. Ou se yóm hol dandónen geta bè kdéen tau, yóm hol dandónen geta bè klamangen benwu.”

1 Kurin 1:27

Okóm yó nmò Dwata, néléken yó kem tau glaan ketngón le mò gónón hemyak yó kem tau temngón lem nim benwu ni. Ne néléken yó kem tau laen hol genbek le mò gónón hemyak yó kem tau wen genbek le lem nim benwu ni.

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

Kun Snulat Luk 10:21

Bè yóm keseyón le yó, tey kehefligalen ke Jisas yóm Tulus Dwata, yó monen, “Ó Mà, uu se yóm mogot longit ne tonok. Bong kdóyónu kóm, abay se deng wen hegfanem bè yó kem tau laen dù hennagien, okóm bè yó kem tau wen hennagien, là kô heglilebem du bélê le. Duhen yó se, Mà, yóm deng kóm kóyô kehlan du.”

Kem Lingón 44:16

lemwót bè yóm udél le tendo hemyak dou ne hemnê dou yó kem hohonu móyô meles dou.

Hbakuk 2:20

Okóm kun yóm sana Dwata hol gónó mogot, deng nô bè yóm kun Gónô alì mólós. Yó kem kdéen tau talak tonok, bê ye abay bud mudél ke nô ye bè soluhen.”

Kehewà 15:16

Gefet bélê le yóm tey sidek klikò le. Ton le yóm tey kgisem, Dwata. Lemwót bè klikò le yó gónón laen dù gmò le efet niwes le lu yó kem kóm tau, yó kem tau deng lenwaem bè yóm gónó le ghesek.

Amus 5:9

Tek sudof keglaen yó kem tau wen genbeken ne gotu lenusoken yó kem gónó le gel heklung.

Kem Lingón 4:4

Béi hegsalà mlan bè kebutem. Nahem gel hendem suloy buteng, béi tagad mudél.

1 Samwél 2:9

Gel kenlungen yó kem tau mimón du, okóm yó kem tau mò sidek són le lem gónón kmifu. Laen dù gendeng tau ke mlan bè kun kgis.

Kehewà 11:7

Okóm yó kem tau Israél tey menek bélê le balù ohu là kô le mbak. Bè nim nmou ni mò gónón gfan ou se yóm Dwata semtólóng yó kem tau Idyip bè yó kem tau Israél.’ ”

Kem Lingón 57:6

Yó kem hohonu, wen holot nmò le mò alu le dou, ne deng tey sidek klitegu lemwót bè yóm alì keglayamu. Deng wen sol nokol le bè lanu mò gónó le hebtang dou, okóm deng mom lu bud btang elemen.

Kem Lingón 148:13

Yake tódô kdê le gotu dmóyón du yóm boluy Dwata, yóm Dwata gónó tekuy mogot. Laen kô dù dumu boluy geta sentahen. Yóm kegetahen, hol geta senta tonok, ne hol geta senta longit.

Isaya 6:3

Yó nmò le gel le staba, mon le, “Hol tahu laen kô dù belenen yóm Dwata yóm Dwata laen dù là gbeken du yóm hol gónó mogot. Hol tahu laen kô dù belenen bà udì. Tódô lenngeben klamangen benwu yóm alì kegetahen.”