Kem Lingón 8:1 - Udél Dwata: Gna Kesfasad ne Lomi Kesfasad

¹ Ó Dwata, yóm hol gónó me mogot, deng tey gfan bè klamangen benwu yóm alì kegeta yóm boluyem Botong gefet ditu ta yó kem longit seglafin yóm tey keslinangem.

Kem Lingón 8:1 Referans Kwoze

Kem Lingón 8:9

Ó Dwata, uu se yóm mogot kum. Tey gfan bè klamangen benwu yóm kegetahem.

Kem Lingón 148:13

Yake tódô kdê le gotu dmóyón du yóm boluy Dwata, yóm Dwata gónó tekuy mogot. Laen kô dù dumu boluy geta sentahen. Yóm kegetahen, hol geta senta tonok, ne hol geta senta longit.

Kem Lingón 57:5

Holi hegeta, Dwata, senta yó kem longit alì geta. Hyu ke hol gfan bè klamangen benwu yóm tey keslinangem.

Kehewà 15:11

Uu se yóm sana kum Dwata hol gónó mogot, dwata du de tô semnged kóm? Tau du de tô mkél kóm bè yóm tey klinggelen yóm kmoem, yóm klaen kô dù belenem? Tau du de tô gembek mò kul yó kem hentaw ton ne yó kem tey deng genbek nmoem?

Hbakuk 3:3

Tódô tonu Dwata yóm hol mólós, hlalak gu lem yóm benwu laen hol wen tauhen, lemwót gu bè Idom ne bud mlan bè yó kem bulul bè Paran. Tódô tfeng longit yóm tey keslinangen ne tfeng tonok yóm kdê tau dmóyón du.

Kem Lingón 145:1

Angat gel heglalagu yóm tey kegetahem, Dwata, yakà uu du yóm dou Dwata ne yóm dou gónó kmulu. Laen kô dù sónen yóm keslamatu béléem.

Hibru 7:26

Duhen yó, Jisas se yóm mò blóng tekuy ebè Dwata, yóm hol hulung tmóbóng tekuy. Tey kólósen. Laen kô dù sidek duhen ke salà ton tekuy béléen, Deng sentólóng Dwata bè yó kem tau gemsalà, ne tey kehegetahen du ditu bè longit.

Isaya 26:13

Uu se, Dwata, gónó me mogot. Deng gel nogot le mi yó kem dumu tau, okóm tek sónen uu yóm hol kum gónó mogot.

Deng Hegfan 19:6

Ominu bud mungol yóm tey genged udél tau, hol lómón ke lungkul yóm tey hikong, ne hol lómón ke yóm tey lugung. Yó udél le, mon le, “Hol dóyón tekuy dé Dwata. Deng duhen ni ne yóm kkamalen yóm klamangen yóm Dwata gónó tekuy mogot, yóm laen dù là gbeken du.

Kem Lingón 81:1

Hol sngal tekuy yóm sngal dmóyón ke Dwata, yóm gel hekgis tekuy. Semngal tekuy ebè yóm Dwata yóm tehe fù tekuy Jakub.

Kem Lingón 36:5

Yóm kóm kbong nawa là monolen, Dwata, botong kbongen longit. Yóm tey ktenebem bélê me, botong gefet sentu lobun.

Dwata 28:58

Ke là hteneb ye mimón du yóm kdê hlau Dwata kuy deng snulat bè nim bok ni, ne ke là knikò ye du yóm tey klinggel yóm kun boluy Dwata, yóm boluy bang gónó likò, yóm boluy yóm sana kuy Dwata hol gónó mogot,

Flipay 3:8

Là sónen du yóm monu yó koni yóm tebelu. Deng gotu tebelu snéen yóm kentihen tehe gel lolou anì gutahu yóm alì bong muhen senta le, duhen yóm ketngónu ke Krays Jisas yóm gónóhu mogot. Lemwót bè yóm ketngónu du, tódô gotu tebelu ne yóm gna lolou, hol lómón ke desenfól kehedemu kul anì duhe kóm, hol tngónu Krays,

Kem Lingón 84:1

Ó Dwata yóm Dwata laen dù là gbeken du, tey kbong nawahu du yóm kóm Gónô.

Kem Lingón 68:4

Semngal tekuy ebè Dwata, sngal tekuy yó kem sngal dmóyón yóm kun boluy. Hol dóyón tekuy yóm myón smakay lobun. Dwata se boluyen. Hol tekuy hligal bè soluhen.

Kem Lingón 63:1

Ó Dwata, uu se yóm hol dou Dwata, tey khahuu kóm. Tey kesgalu nawahu kóm. Hol lómó kegnómu du, hol lómón yóm tonok mékéng là buden hyu, balù udì ke méfê. Hol lómón yó se kegnómu du bè yóm khahuu kóm.

1 Bok Kem Tau Hol Geta 8:27

Okóm gbek Dwata kô nô dini talak tonok? Hol mou kun ne, anì sem hol longit geta, là kóen kóyów du. Sélétem mom ni nem Gónô Dwata hdau nii tô gónón kóyów.

Ifisus 4:10

Ne yóm tehe lemwót gu tta, bud du se yóm bud haway etta bè tum hol gónón geta sentu longit. Yó gónóm mon, tódô klamangen ne gónóhen nô.

Kun Snulat Jan 20:28

Mon Tumas se, “Tahu se. Uu se hol gónóhu mogot. Uu se hol dou Dwata.”

Matyu 22:45

Yóm Misaya myón bè kwanan Dwata yó, yó kboluy Dabid du ‘Gónóhu mogot.’ Tedu se tô kmò klanen du ke mom du yóm bud semfu gu bè Dabid?”