Kem Lingón 74:2 - Udél Dwata: Gna Kesfasad ne Lomi Kesfasad

² Hol hentulónem nawa, mi se yó kem tau tehe nélékem là sekna, kem tau deng nsokem mò hol kóm nfun. Hentulónem nawa Bulul Sayun, yóm kóm gónó nô dini talak tonok.

Kem Lingón 74:2 Referans Kwoze

Jirimaya 10:16

Yóm kun Dwata tehe Jakub, là kóen mkél bélê le. Du se mò du yóm kentihen. Deng néléken yó kem tau Israél mò hol kun tau nfun. Yó hol kun boluy, Dwata laen dù là gbeken du.

Dwata 32:9

Yakà deng néléken du yó kem sfu Jakub mò kun nfun.

Kehewà 15:16

Gefet bélê le yóm tey sidek klikò le. Ton le yóm tey kgisem, Dwata. Lemwót bè klikò le yó gónón laen dù gmò le efet niwes le lu yó kem kóm tau, yó kem tau deng lenwaem bè yóm gónó le ghesek.

Kehewà 15:13

Tey tilob kalakem kul yó kem tau deng lenwaem, hol lómón yóm tehe fasadem kul. Mlan bè kgisem gónóm gemwit kul ebè yóm kóm tonok deng tehe fasadem kul.

Kem Lingón 135:4

Abay se deng nélék Dwata Jakub mò kun, nfunen yó kem tau Israél mò hol gónón nô nawahen.

Dwata 4:20

Okóm yu se yó kem tau deng hewaen gu bè Idyip, bè yóm benwu gónó ye alì glayam. Yó gónón hewà kuy, nmoen yu mò hol kun tau lómón yóm deng kfunen kuy kemdaw ni.

Deng Hegfan 5:9

Ne semngal le yóm lomi sngal, monen, “Són u se yóm knóón bang ma du yóm sulat lenulun ne mkó yó kem dketen, yakà uu du yóm deng tehe hnatay le. Lemwót bè yóm litô namaem yó, yó gónón wen tau benlihem mò kun tau nfun Dwata. Yó kem tau benlihem yó, tódô lemwót bè ket but tau, ne bè ket udél tau, ne bè ket but tau.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Kul Nmò 20:28

Hol ten-gama ye mò kmò ye, ne hol tenngel ye se yó kem dumu ye hemtahu deng hesegyoken kuy yóm Tulus Dwata. Hol sen-gyok ye yó kem tau deng hemtahu bè Dwata, yakà deng benli Dwata kul bè litô yóm Ngaen deng dsuen bélê tekuy.

Isaya 63:17

Moen de ke hlusem mi tabag? Moen de ke alì hgelem kulu me efet knogol me u? Géhél bud senfulékem mi, Dwata, igoen tolo wen kem tau bélê me he mimón kóm, igoen sem mi du yó kem kóm tau lemwót bè hol kbuten.

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Kem Lingón 106:40

Yó se gónó Dwata alì lembut kul yó kem tauhen, ne tey kutó nawahen kul yó kem kun tau deng nfun.

Kem Lingón 77:15

Deng tehe nsokem yó kem kóm tau lemwót bè yóm tey kekgisem, lu se yó kem tau sfu tehe Jakub ne sfu tehe Jusif.

Kem Lingón 68:16

Ó bulul alì temfusù, moen du ke nélés nawa ye yóm Bulul Sayun, yóm bulul deng nélék Dwata mò hol gónón nô, laen kô dù tul sónen yóm knóen du.

Kem Lingón 33:12

Ya tey kehligal yó kem tau bè kihu benwu ke Dwata hol kul gónó mogot. Hligal le se kul yó kem tau nélék Dwata mò kun tau.

Kem Lingón 9:11

Sngal tekuy yóm sngal dmóyón ke Dwata yóm Dwata kmamal lemwót bè Sayun. Heglalag tekuy bè kem tau bè klamangen benwu yóm kdê deng nmoen.

Dwata 9:29

Okóm bè ktahuhen, igò sem lu du yó kem tau deng nélékem mò hol kóm tau ne deng hewaem lu gu bè Idyip mlan bè yóm tey kegbekem ne bè yóm tey kgisem.’ ”

Dwata 9:26

Yó nmou, mnihe bè Dwata, monu, ‘Ó Dwata, yóm hol dandónen geta mogot yóm klamangen, hol béem abay genlà lu yó kem kóm tau, yó kem tau deng hewaem gu bè Idyip mlan bè yóm tey kgisem ne bè yóm tey kegbekem.

Kem Lingón 9:12

Yakà gel bnelesen du litô yó kem tau laen dù gmò le. Là kô nan e tódô bayà kul mkik yó kem tau wen gónó le glayam.

Kem Lingón 94:14

Yóm Dwata, là kô nan e kenbê kul yó kem kun tau, ne là kô tódô bayaen kul yó kem kun tau nfun.